يقدم لكم موقع اقرأ اليوم أجمل قصص رعب بالدارجة ، و قصص رعب بالدارجة الجزائرية ، و قصص بالدارجة المغربية ، و قصص رعب بالدارجة قصير ، و قصص رعب مكتوبة ، يبحث العديد من محبي قصص الرعب عن أشهر قصص الرعب ، والتي حققت نجاحا كبيرا ، لذلك سوف نقدم لكم في هذا المقال أشهر قصص رعب بالدارجة ، تابعوا القراءة .

 قصص رعب بالدارجة

تعتبر القصص هي أحد الأدوات التي تساعد الأشخاص للهروب من الواقع، وهناك العديد من القراء الذين يعشقون  قصص رعب ، لذلك خصصنا هذه الفقرة من مقالنا انعرض لكم أفضل  قصص رعب بالدارجة ، نتمنى أن تنال اعحابكم ، وهي :

نهار جديد ممل من حياتي بيت سهران مع الفيسبوك كيف مديما نايض معطل او داخل لمدرسة معطل اول حاجة تنسمعها من عند الاستاذ هي نوض غسل وجهك و لكن خوكم ممسوقش عايش او ضارب الدنيا بركلة كنت تنقراا في التامنة او جاتني واحد المراهقة في شكل وليت تنعرف غير الكونكسيون دياسك تاع راب او الدريات صافي البنت لي شفتها تعجبني و لكن مكان عندي زهر لا في حب لا في تصاحيب لبنت لي نقول هادي هي لي بغيت دير ليا سبة او تصدرني جربت تاا عيت او والوو ديما محطم او مغبون حتاا لواحد المرة تعرفت على واحد البنت سميتها نهيلة او كانت زوينة او ظريفة او بقيت مطول معاها تنضورو في ليسي مع بعضياتنا تنهضرو مع بعضياتنا في فيس او الواتس او طولنا مع بعضياتنا صراحة اخوتي تقت فيها و لكن في لخر لقيتها مجمعاا مع صاحبي في الفيس او تيضحكوو عليا او جا عندي صاحبي قال ليا هاك شوف او ملي شفت داكشي تصدمت مهم صرحتها او قلبت عليها او تحطمت من لدااخل او مليت لبنات او العالم كاامل مليتوو ولا كبجيني كلشي غدار وليت تنمشي بوحدي نجلس بوحدي فينما مشيت بوحدي ختاريت نكون وحداني او كانت عندي واحد لبلاصة ديما سبت او حد تنمشي ليها او نريح بوحدي او هي واحد الغابة قريبة لمدينتي خارجة من لمدينة بشي 6 كلم كنت تندي بيكالتي او نريح غير بوحدي نخمم واحد الحد مشيت كيف ملعادة تمااك لنفس لبلاصة لي تنريح فيها او جلست او انا نسمع شي واحد تيبكي او كان صوت بنت و لكن استغربت حيت اول مرة تنسمع فيها شي صوت مهم بقيت تابع الصوت تابعوو حتاا لقيت واحد الشجرة كبيرة بقيت ضاير معاها او انا نلقى بنت قدي تقريبا كالسة غي بوحدها حادرة راسها او تتبكي ملي قستها ضارت شافت فيا او تمااا كانت الصدمة… بنت اية في الجمال واحد الوجه معمرني شفت بحالوو او انا نقول مع راسي جمع راسك نسيتي مدارو ليك لبنات مهم قلت ليها ياك لباس علاش تتبكي ممكن نعاونك قالت ليا بجهد ماشي سوقك او دفعاتني او مشات تتجري وسط الغابة بقيت شوية تاا فاتتني او انا نتبعها لمشكلة يلاه شوية باش تفاوتات او ملقيتش ليها الاتر بلمرة شفت فكااع جوايه والوو مهم رجعت فحالي او انا راجع فحالي وصلت عند الشجرة او انا نلقى واحد سنسلة او باينة فيها دهب قلت هادي تااع لبنت هزيتها او رجعت لداار بقيت تنخمم (كيفاش وصلات لتماك او علاش كانت تتبكي او كيفاش ندير نرجع ليها السنسلة ديالها ..) صافي قلت مدام هي جات لغابة اذن غادي ترجع ليها مرة اخراا اوا داكشي لي كان بقيت تاال حد لاخر او رجعت لنفس لبلاصة و لكن ملقيت والوو كل حد تنمشي او والو حتاا فقدت لامل نعاود نشوفها باش نرجع ليها سنسلتها و لكن واحد الحد مشيت لتماك كيف عادتي او هي تبان ليا تتلعب غير بوحدها وسط ديك الغابة فواحد الزعلولة (الارجوحة) قربت منها محدي تنقرب او لحمي تيبورش عليا او شعري تيوقف شوية وقفت وراها يلاه بيت ندوي سبقتني قالت ليا مرحبا عماد تصدمت او كيفاش عرفات سميتي او انا نسولها باش عرفتي سميتي قالت ليا بلي شافتها في لبراسلي لي كنت داير في ايدي قلت وااااو خطيرة هادي ههه مهم قلت ليها انا جيت نعطيك هادي او نمشي (على السنسلة) او هي تقول ليا اااه اراا شكرا بزاف او هي تبغي تعنقني او انا ندفعها قلت ليها مالك قالت ليا والوو مالك راه حنا غير بوحدنا قلت او الا كنا بوحدنا او انا ندوور بيت نمشي شوية لقيتها قدامي اوو كيدارت ليها هادي تولات هنا مهم قالت ليا سمح ليا سمح ليا قلت ليها هانية او هي تقول ليا اجي نريحو شوية نهضرو عاد سير صافي قبلت او بقيت معاها شوية.

قد يهمك :

قصص رعب بالدارجة الجزائرية

مهم سولتها على كلشي قالت ليا بلي كانت تتبكي حيت تخاصمات مع ماماها او قالت ليا بلي دارهم كاينة قريبة من الغابة او تتجي مرة مرة هنا او بلي عندها 17 عام مهم بقينا تندويوو او لاحظت بلي تتشوف فيا شي شوفات غراب او عينيها تيبريوو فحال شي مش منكذبش عليكم داك الجمال لا يقاوم معرفتش كيفاش تاا صبرت و لكن مبغيتش ندير نفس الغلطة او نتيق مزال في البنات داكشي علاش كنت حاضي منها مهم كنت كل حد تنمشي لديك لبلاصة او تتجي عندي تنتمشاو وسط الغابة او تنهضروو او هي تتبقى تدوي او ضحك منكذبش عليكم وليت تنولفها شوية بشوبة حتاا وليت كل حد خاصني ضروري نمشي لنفس لبلاصة باش نشوفها او حتاا هي تتكون فرحانة ملي تنجي قالت ليا بلي انا صديقها الوحيد او بلي تترتاح او هي معايا او حتاا انا بديت تنرتاح ليها شوية بشوية او عاودت ليها على لي طراا ليا مع نهيلة قالت ليا هادوك هما البشر غدارة و لكن محدك معايا مكينش لي قيسك انا مفهمتش قصدها ديك الساعة تا واحد نهار جاا عندي واحد الدري تيجري قال ليا عماد عماد عرفتي اشنو وقع قلت اش طاري قال ليا بلي نهيلة لي وقع ليا معاها المشكل تكب عليها الماا سخون او حرق ليها وجها كامل خوكم تصدم او بقى غير خمم او انا نقول غير حادثة هادي او صافي مهم بقيت تنمشي نتلاقاا مع ريحانة كل حد واحد الحد بقيت معاها تنضورو وسط الغابة او تعطلنا حتى بدا المغرب تيأذن او هي تقول ليا خاصني نمشي بسلامة صافي مشات او هزيت بيكالتي او بغيت نمشي لدار او انا نلقى بيكالة مبيسة قلت تفوو غادي نتعطل اوا جريت لبيكالة او غادي وسط الغابة وسط الليل غادي او تنحس بلي شي واحد تابعني من لور تنضور متنلقى والوو بقيت غادي معليا مبيا حتى حسيت بلي شي واحد شد ليا لبيكالة من لوور حبسها او انا نتلقها او درت نشوف قلت شكون هنا بقيت تنقلب والوو مكينة تاا حاجة صافي قلبي ديك الساعة بغى يسكت بالخلعة بقيت غادي اوا خرجت من الغابة او شديت طريق على رجليا غادي غادي واحد شوية بان ليا واحد الراجل شارف وسط الشانطي غير بوحدوو قصدتوو سولتوو عمي ياك لباس مجاوبنيش او بقى تيمشي او يجي وسط الشانطي او انا نوقف قداموو او تخيلوو دخل من وسطي اوداز فحال الهواا ديك الساعة مبقات بانت ليا لا بيكالة لا والوو شديتها بجرياا تال دار حفيان وسط الشانطي وصلت لدااار دخلت لبيتي سديت لباب او ملي ضرت لقيت واحد تيشبه ليا ناعس في بلاصتي ورااه ماشي تيشبه ليا رااه انا هداك نفس الملامح نفس الحوايج بقيت تنشوف او مصدوم او تنقول اعود بالله من الشيطان رجيم اش هاد شي او هو يحل عينيه قال ليا مالك خفتي قلت ليك شكون نتا قال ليا غادي نقول ليك حاجة وحدة او نمشي او مغاديش نعاودها معاك بعد من ختي حسن لييك او هو يغبر مبقاش بان ليه الاتر فلت اش تيقصد هذا او انا نتفكر ريحانة مهم حلفت منبقاا نوصل لديك الغابة صافي داكشي لي كان دازت 20 يوم او واحد العشية كان لبرد مشيت النعس تغطيت مزيان واحد شوية حسيت بصهد او انا نلوح لمانطة او واخا هكداك بقيت سخون او فيا الصهد قلت في خاطري لبرد تيطير برااا او انا سخون هنا ياكمة ضرباتني الشمس نضت بيت نغسل وجهي يلاه شفت في لمرايا او هي تبان ليا ريحانة معنقاني من ورا ظهري او متكيا عليا بقوة الخلعة خرجت نجري دخلت في لباب او بديت نغوت او هي تجي عندي الواليدة تجري مالك بسم الله عليك راه غير حلمة هادي صافي صافي قلت ليها ريحانة ريحانة االواليدة او هي تقول ليا شكون هادي عاود ليها على كلشي او هي تقول ليا تال غدا او نديك عند الفقيه او انا معنديش مع لفقهة…

قصص بالدارجة المغربية

مهم درت لخاطر الواليدة او مشينا عند واحد لفقيه في واحد الجامع قريب او بدا يخربق علينا قال ليها ولد عند مس او شي حوايج مفهمت والو انا و لكن قلت في خاطري هاد المشكلة لمحليتها انا مغاديش يحلها شي واحد من غيري اما هاد السيد غاا تيخربق مهم واحد النهار قررت نرجع للغابة او فعلا رجعت او انا نلقى ريحانة واقفة وسط الشجر غي بوحدها او هي تقول ليا صافي توحشتيني او جيتي تشوفني قلت ليها شكون نتي علاش كذبتي عليا قالت ليا شوف من نهار بديتي تجي لهاد الغابة او انا حاضياك قالت ليا انا تنبغيك او ميمكنش ليا نخليك او صراحة كذبت عليك باش متخلينيش او نبقاا تاني وحدانية انا ماشي من البشر صافي انا سمعت هاديك الكلمة برد ليا الما في ركابي واقف غاا بزز و لكن كانت تدوي معايا بالوجه البشري لي شفتها بيه المرة اللولة داكشي باش مخلعاتنيش واحد شوية بان شي دخان كحل او هو يخرج واحد خينة معرفتش كيفاش نوصفوو عندو قرون تاع حولي او راس فحال الديب او عور تيشوف عين وحدة شاف فيا او هو يقول لريحانة باقا تتلقاي بهاد الميكروب تاع البشر قالت ليه ماشي سوقك بقاوو تيتناقشوو من بعد بواحد اللغة مفهمتهااش انا غاا جامد حال فمي او تنتفرج عرفت بلي هداك هو خوها لي جاا عندي ديك المرة وااا هيا ناري معامن طحت انا شوية جاا قصدني هربت او هو يهزني شير بيا في الارض واحد متروو تجرحت في ايدي او هي تجي ريحانة تجري غير شافتني مجروح او هي تشعل بمعنى الكلمة نادوو ليها القرون او وجهها كحال او نادوو ليها الضفااار او راسها شعلات فيه العافية من لفوق او هي تقصد خوها ضربات خوها واحد ضربة حتا لصق في واحد الشجرة او بقات تضرب في خوها ضرب فيه جراتو من شعرو او هي طير ليه راسوو او لاحتوو حدايا او قالت ليا باقي متزادش هذا لي اديك او انا حية واااا هيا ناري اش هاد شي تنشوف مهم انا بقوة الصدمة غيبت ملي فقت لقيت راسي ناعس في دارنا نضت او باقا فيا الصدمة هادي قتلات خوها يعلم الله اش تقدر دير اخر اوا نضت تنقلب على الواليدة تنغوت الواليدة الواليدة مجاوباتنيش تصدمت بقيت تنغوت او تخلعت ياكمة دارت شي حاجة لواليدة خرجت نجري فحال لهبيل الزنقة او انا نشوف لواليدة في الحانوت رتاحيت قلت الحمد لل انا نشوف لواليدة في الحانوت رتاحيت قلت الحمد لله شوية سمعت واحد الصوت في ودني تيقول ليا غير رتاح مغادي ندير والوو لماماك مدام تتجي عندي او تنتشاوفوو او لا فكرتي شي نهار تقلب عليا ديك الساعة منضمنش ليك اش نقدر ندير انا صافي لحمي بورش او حسيت برجليا جمدو في بلايصهم او هي تقول ليا كل حد نبغيك تجي عندي اوا فكرت تاا عيت او قلت خاصني نبقاا نمشي عندها او لا غادي تولي دايرة شي حاجة لواليدة صافي بقيت تنمشي او غير تنصبر ليها وليت فحال شي دمية في ايديها مهم واحد نهار قالت ليا بلي مبقاتش بغاا تبعد عليا او بغات تتزوج بيا قلت ليها رااه هاد الشي ميمكنش قالت ليا علاش علاش اي بشرية بغيتيها نكون في صورتها مهم قلت ليها خليني نخمم او انا بغيت غير نتلفها واحد شوية بينما لقيت شي حل اوا مبغيت نقولها لتاا واحد حيت عرفت الا قلت هاد شي لشي وتحد غادي تمشي دمر ليه حياتوو او تقدر تقتلوو كااع اوا فكرت مزيان او قصدت الانترنيت او بقيت تنقلب على فحال هاد المواضيع حتا لقيت واحد الكتاب سكيتوو “خطوة نحو الظلام” لقيت فيه الوصف تاع شي كائنات غيبية او ملي وصلت عند داك الوصف لي تينطبق مع لي شفت لقيت بلي هداك نوع من الجن سميتوو النمرود او لي تيكونوو فيه الانات اقوى من الدكور او معروف عليك عشق الجنس البشري خصوصا دوك لي تيكونوو مرفوضين وسط العالم تاعهم او وحدانيين او تما عاد عرفت علاش ختارتني انا من دون الناس .

 قصص رعب مكتوبة

مهم بقيت تندخل الانترنيت او في نفس الوقت تنمشي نتلاقاا معاها او تنمتل عليها بلي راني فرحان باش متعيقش او بقيت تنقرا في هداك الكتاب حتاا عرفت نقطة ضعف هداك الجنس من الجن او كيفاش يمكن ليك تحبسوو عرفت بلي متيستحملش يسمع اية الكرسي مهم قلبت عليها دخلتها بصوت ماهر المعيقلي لتليفون عندي او عرفت حاجة اخرا بلي اي ضربة جات في الشخص لي تيعشق غادي تزيد ضعفوو كتر يعني الا تأديت انا حتاا هي غادي تأدى مهم واحد الحد قلت صافي خاصني نتهنا من هاد المصيبة اوا قلبت على جوج بيفان بلوتوت كبار تيتشارجاو او مشيت بطاكسي لواحد لبلاصة خارجة على المدينة تا هي فيها الشجر او خبيتهم تماك هزيت موس صغير من دار او مشيت لعندها لغابة قلت ليها بغيتي نتزوجوو تبعيني صافي ديتها لبلاصة فين حطيت البيفان شوية قلت ليها سيني هنا هاني جاي دبا مشيت خدمت لبيفان او رجعت عندها هاز تليفون في ايدي قالت ليا اشنو تدير قلت ليها بيتي تعرفي او انا نطلق اية الكرسي من تليفون او تسمعات مجهدة في البيفان الكبار او بقات هيا تتغوت او بدا وجهها تيتشوه او تتقول ليا حبس هاد الشي دبا وااا حبسو او انا تنزيد في صوت حتاا ولا تيتسمع في كااع جوايه مهم بقات غادية او تقرب ليا هربت او ما ذلك واخا كاين القران شداتني او قجاتني او هزاتني لفوق بقيت تنتركل في سماا حتاا تحبسات فيا النفس او انا نتفكر داكشي لي قريت جبدت لموس ضربت ايدي او هي تبان فيها الضربة حتا هي او طلقاتني او بدات تتغوت او تخبط في راسها حتاا تخسر ليها وجهها او بقيت تنزيد في صوت القرأن شوية درت احمق حاجة في حياتي جبدت لموس او دربت عروقة تاع ايدي ضربة لي جات فيا تتجي فيها هي مضوبلة صافي ديك الساعة هي دمرات او بقات تتفتت فحال تراب كل مرة تطيح منها حاجة حتاا شعلات فيها العافية او تشتات في الهوا او انا غيبت او نضت في السبيطار لقيت العائلة دايرين بيا او كلشي يسحاب ليه راني كنت باغي ننتاحر او قالوو ليا بلي لقاوني غير شي سراح وسط الغابة هما لي عتقوني و لكن ملي شفت ميمتي بيخير او تدوي معايا حمدت الله او عرفت بلي رتاحيت صافي من هاد المصيبة واخا دوزات عليا العجب .. لمهم لي بغيتك تعلم من هاد القصة متخليش بنادم يأثر عليك لدرجة تبقا معقد ديما كون اجتماعي…

النهاااية…

تحميل قصص رعب بالدارجة

قصص الرعب تكثر قراءتها على مستوى العالم لأنها تتميز بطابع راقي تساعد علي جذب الكثير من القراء، كما أنها تعطي القراء الشعور بالغموض و ترفع مستوى الادرينالين . لذلك خصصنا هذه الفقرة من مقالنا لنقدم لكم رابط سيساعدكم على على تحميل أروع قصص رعب بالدارجة بكل سهولة ، كل ما عليكم هو سوى الضغط على الرابط الموجود أسفل .

قصص رعب بالدارجة قصير

قصص رعب بالدارجة قصير
قصص رعب بالدارجة قصير

وبهذا نكون قد وصلنا الى نهاية مقالنا ، وفيما يلي نقدم لكم في هذه الفقرة من مقالنا قصة قصص رعب بالدارجة ، نتمنى أن تنال اعجابكم ، وهي :

انا اسمي اشرف 22 سنة كانسكن بمدينة تطوان عندي 3 ديال خوتي و الوالدين طبعا .. انا و اعوذ بالله من قولت انا واحد الانسان كيعجبني نسمع اولا نشوف اولا نقرا على شيحاجة ديال الجن لحقاش كيجيني داكشي عادي وكانقول كيفما حنا عايشين غادي يكونو حتا هما عايشين وهادشي هادا من الصغر ديالي و انا هاكا فينما كان شي ضلام اولا شي خربة كيقولو بلي فيها الجنون كنت اصغر واحد فدراري ديال دربنا كانزطم معاهم و كانمشي معاهم ف اي بلاصة كيضنو بلي فيها الجنون اولا شافو فيها الجنون و مع مرور الوقت ولا داكشي بحال لي نقولو كيجيني عادي ولفتو و كنا ديما كانتسناو انا و ولاد دربنا تجي 6 ديال العشية باش كيطيح الضلام باش ندخلو لواحد المدرسة مهجورة فحومتنا كنا ديما كاندخلو الشمع و القرآن و الملحة تحسبا زعما الى خرجلينا شي جن نرشوها عليه هه ..و كنت كانتمنا شي نهار نتصادف مع شي منضر غريب فديك المدرسة مثلا نشوف شي جن اولا طيح شي حاجة المهم اي حاجة غريبة لي غاتخليني نزيد نآمن بداكشي لاكن ماكانش كيحالفني الحظ كنا غير كاندخلو كانلقاو شي رسومات وشي كتابات غرابين فالحيط وصافي وكانخرجو بحالنا بحال لي نقولو فاقدين الامل لان الصغر اي واحد كانو كيعجبوه المغامرات الاكثرية ادا كنتي مع ولاد دربكم كل واحد كيبغي يبين زعامتو على الاخر وخا الوالدين كانو دائما كيخاصمو علينا مانمشيوش لديك المدرسة ولاكن لي فراسنا ماكاينش لي يحيدو المهم ولا داكشي من الهوايات ديالنا كل نهار نفس الشي نتلاقاو ونتجمعو ونمشيو لديك المدرسة ولكن هاد المرة كنا كاندخلو وكانبقاو نعايرو فيهم عا الله يخرجو زعما حتا كانسمعو واحد الصوت ديال الحجرة ضرب فالحيط حق الله لا كلشي جمد كلشي تخلع حسينا بلي داكشي بدا كيكبر علينا وتمينا خارجين بالزربة انا شخصيا وخا خرجت مخلوع لاكن فنفس الوقت فرحان حيت داكشي لي بغيتو انا شفتو بحال لي نقولو الامنية ديالي تحققات..