يعرض لكم موقع إقرأ أفضل قصائد وفاة الزهراء مكتوبة ، و قصائد بحق الزهراء مكتوبة، و قصيدة عن فاطمة الزهراء مكتوبة مولد ، و من فاطمة الزهراء مكتوبة ، و قصيدة عن فاطمة الزهراء باسم الكربلائي ، و نعي عن فاطمة الزهراء مكتوب يمه يايمه ، اللهم صل على محمد وآل محمد الطيبين الطاهرين السلام عليكم ورحمه الله وبركاته متباركين مقدماا بمولدالزهراء سيدة نساء العالمين عليها السلام ، اليكم بعض نماذج قصائد وفاة الزهراء مكتوبة .

قصائد وفاة الزهراء مكتوبة

إليكم نماذج قصائد وفاة الزهراء مكتوبة :

قصائد وفاة الزهراء مكتوبة
قصائد وفاة الزهراء مكتوبة

أيا ربُّ ما الأحزانُ مِن أنّةٍ تجري
بقلبٍ شكا ظُلماً تَشرَّبَ بالغدرِ
تُجادلُ بالحُسنى الزكيّةُ منبتاً
وتعرِضُ بُرهاناً على مَعشَرِ القَسرِ
ولكنّهُم حِلفُ الذين تجادَلُوا
تجادُلَ إعراضٍ عن الحَكَمِ البَرِّ
هي ابنةُ من أدّى الرسالةَ صابراً
وزوجةُ نبراسِ العقيدةِ والطُّهرِ
هي الوحيُ قرآناً لقومٍ تجاهلوا
ومِصداقُ آياتِ الشفاعةِ والصَبرِ
هي الكوثرُ الرقراقُ طابَ معينُهُ
هي النورُ والقُربى وريحانةُ البدرِ
فواهاً على جُرمٍ أهاجَ شُجُونَها
وذلك ما أدّى الى الموتِ والقبرِ
وكانت بريعانِ الشبابِ كريمةً
وفي كنَفِ الهادي المُجَلَّلِ بالفخرِ
وقد طلبتْ حقّاً وذاك تُراثُها
وحقَّ إمامٍ صادقِ الوَعدِ والنَّذْرِ
و لكنَّ آذانَ العدالةِأغلَقَتْ
مَسامِعَها يا ويلَ نائبةِ الدّهرِ
فعادتْ ولم تُورَثْ وأَحرَقَ بابَها
جفاةُ خِلاقٍ بدّلُوا اليُسْرَ بالعُسْرِ
وماتَتْ بظُلْمٍ وهي تعلمُ أنها
وديعةُ طه والجميعُ بذا يَدرِي
الى الله شكواها البَصِيرِ مُنيبَةً
تَرى فَيئَها رَهنَ التآمُرِ والحَجْرِ
وقد نَطقَتْ عِلمَاً فصارَ كلامُها
إلى الآن منشُوراً يُجلجِلُ بالثَّأْرِ
وراحَتْ إلى ربِّ العبادِ شهيدةً
على فِتَنٍ تُفضي لمُنقلَبِ الخُسْرِ
سلامٌ على الزهرا البتولِ تحيّةً
تُخلِّدُ إنسانا تطهَّرَ في الذِّكْرِ
أطاعَتْ رسولَ اللهِ وهو حبيبُها
وواسَتْ إمامَاً خانَهُ الزمَنُ المُزري

أُمّ ابيها ظُلِمَتْ ( بِأيّ ذَنْبٍ قُتِلَتْ)
الحزنُ اضناها. للهِ شَكواها
( بِأيّ ذَنْبٍ قُتِلَتْ)
نسأل اصحاب السقيفه
ظلموا الزهره الشريفه. شنهو الاسباب
ينزف وماجف دمعها
بياذنب كسروا ظلعها. بدفعة الباب
وين چا معنى الصحابه
تغيّروا ليش بغيابه. الهادي من غاب
عالمطامع والخلافه
نكروا العِشِره وسافه. صاروا اذياب
تَبّتْ يداهُ مَنْ بغَى. على البتولِ وعتدَى
مِن فعلِ اشقاها. للهِ شكواها
( بِأيّ ذَنْبٍ قُتِلَتْ)
فاطمة السر الإلهي
بيها عالعالم يباهي خالق الكون
يرضه بارينه لرضاها
ويلعن السبّب اذاها. ما تسمعون
بضعة الهادي مُحَمَّد
الهه رب الكون يشهد سرها مكنون
ليش اذّيتوا الزچيه
ومارئفتوا بهالنقيّه. ما تخافون
اللهُ خيرُ المُحتَكَمْ ويلٌ لِمَن منكم ظَلَم
روحُ النبي طه. للهِ شكواها
( بِأيّ ذَنْبٍ قُتِلَتْ)
الثاني والاول نذمكم
أسس الباطل ظلمكم. ضد الاسلام
من نكرتوها الوصية
بالسقيفه الناصبية. اكبر جرام
ضد علي حامي الحميه
وفاطمه الزهره الزچيه. صرتو ظِلّام
اباب فاطم ياحقدكم
جيتو وضرمتو حطبكم. نار الآثام
كيفَ اجترَئتمْ عَجبَا لِقَتلِ اُمّ النُجَبَا
الجبتُ آذاها. للهِ شكواها
( بِأيّ ذَنْبٍ قُتِلَتْ)
احمر وينـزف جفنها
بياذنب فگـدت ابنها. امّ الاطهار
انشلّت ايده اللي سطرها
والدفـع باب وعصـرها على البسمار
ليش مو هاي ام ابوها
بيا جناية اتعــذّبـوها. وتسعر النار
من حزنها ومن هضمها
ماتت الليله بألمها. وحملت اكدار
بعَيّنها ضاقَ الفضا. ماتت بحِجرِ المرتضى
الظلمُ ابكاها. للهِ شكواها
( بِأيّ ذَنْبٍ قُتِلَتْ)
صبرت وماتت حزينه
وناحت عليها المدينه الچانت تنوح
حيدر الشيّع نعشها
روحه للزهره فرشها. وذابت الروح
بوحشة الليل وضلامه
للگبـر شايل غـرامه. امّ لجــروح
بيـده ياويـلي دفنـها
حيدر وظل يحچي عنها. وگلبه مجروح
مكسُورةِ الضِلعِ مضَتْ بدفعَةِ البابِ قَضَتْ
مِن فرَطِ بَلواها. للهِ شكواها

قد يهمك :

قصائد بحق الزهراء مكتوبة

نماذج قصائد بحق الزهراء مكتوبة :

قصائد بحق الزهراء مكتوبة - قصائد وفاة الزهراء مكتوبة
قصائد بحق الزهراء مكتوبة – قصائد وفاة الزهراء مكتوبة

نفس السطره… وحنيه ظهره
مرت بأبنج يم حسين
بابج ضيمه… وحرك الخيمه
صارن بحسينج ضيمين
وافاطماه… وافاطماه
حسين صاح وفرفحن دمعاته
وكسرت الخاطر ملت وجناته
لجن خلص دمعه من طاح الكفيل
وضيم ابنج بين بشيباته
والعيون تلالي حركه… وحسرته كامت تخنكه
ونفس ذيج العصره ردت… لجن مو بالباب شهكه
دمعة عينه… وضيم اسنينه
ما خلن لبنيج عين
الجره اعليج عالابنج صاير
اتواردن يومج ويوم العاشر
نفس اول اخ ردت من جديد
ضغطت البسمار رفست حافر
من يمر طاري النعش… كلبي بانياطه ارتعش
من كثر طعن الرماح… جسمه عالرمله انفرش
حسرة كلبه… وضيعت دربه
والناس التمت صوبين
من شفت ظهره اعله بوفاضل خوه
كلشي كدامي صبح مابي ضوه
اتذكرت يمه علي لمن يطيح
فوك كبرج من يشح عنه الهوه
يكتل اليفكدله ورده… تعثر ادموعه اعله خده
العاش عمره بوسط اهله… يختنك لو يبقى وحده
رفعت راسه… بلا عباسه
وحيرة وجهه يديره لوين
تكسر خاطره الفركه الجبيره
ريتج تشوفينه من صاح الاميره
وره نعشج يمشي والظهر مايل
يصيح يازينب وحك الزهره حيره
يوكع وأسم الله اكله… اتلاحكه ويفزعله خله
يكوم لكن هم يطيح… الضيم البكلبه شيحمله
كلشي بروحه… يكثر اجروحه
وبكلبه يصيرن جرحين
اخر حجايه انحجت تجوي المواجع
انطيني صدرك كتله وتهل المدامع
ضيم كلبه وحركته ودمعه الثكيل
ما يكفيهن دمع لمن نوادع
ابجي ودمعتي بعيني… اكله البينك وبيني
ترى افعال الدهر وياك.. كسرت ظهري يحسيني
حنيه ظهره… وميلت مهره
ظلت وياه من اسنين

يحسين گوم وشوف أمي اشبيها — أتعاين أبوجهك بلچن اتحاچيها
كسر الضلع ألمّها — أمن الصدر ينزف دمها
حسين خويه اتگله زينب أمي چن غمضت جفنها
چانت اتسولف أويايه أوبعد ماينسمع منها
گوم دنگ يم صدرها بلچي تسمع خويه ونها
يحسين أمنه بس جسد — ماينسمع ونها بعد
ياخويه چاهذا الوعد — عگب لوعتها ومحنها
شافت مصايب ماحملهن أيوب — لاموسى يحملهن أوعيسى أويعگوب
ليل او نهار ابهمها — أمن الصدر ينزف دمها
عاشت أيام وليالي أمي وتجاهد صبرها
بين ناس ابلا ضماير بين دمعتها وقهرها
بين ذاك السلب حگها بين ذاك اللي نكرها
مابين ناس اهل الفتن — مابين شوغات ومحن
خلصت لياليها المضن — ومارحم بيها دهرها
أمي الذي حبها أمان أمن النار — أمي الذي من ألله سر ألاسرار
ليش االقدر يهظمها — امن الصدر ينزف دمها
زينب أويه حسن گعدت سولفتله وبچت يمه
أمي بضعه من محمد واليالمها يالمه
چان هوه أيقبل اديها المصطفى وسماها أمه
كل الخلايق شافته — عنده عزيزه بضعته
وبيها يوصي أمته — ليش تتنكر ألامه
يحسين خل نبچي ونهل مدمعنه — ياخويه أمنه فاطمه اتودعنه
احظنها يخويه وشمها — أمن الصدر ينزف دمها
گوم شم أمك يخويه اعزيز يحسن انته لمك
بلچن امن اتشمها خويه تگعد وهيه تشمك
وخلي ايدك يم ضلعها الصدرك اتظمها وتظمك
يحسين شتشوف الوضع — هم ينجبر كسر الضلع
ياخويه بس لاننفجع — وهمي يكبر ويه همك
لوراحت امنه انصير ياخويه أيتام — أزغيرون گلبي وگلبك اعله ألالام
تبچي وتعاين لمها — أمن الصدر ينزف دمها
أمس خويه حسين وصت والدي أمي ابوصيه
اتگله أولادي يحيدر اعزاز خو تدري عليه
للحسن باريه ابعينك ياعلي ولحسين اخيه
وأنظر أدموع أمي جمر — وآنه أنفگد مني الصبر
وبچيت يحسين أشكثر — أمن اسمعت وصته بيّه
اتگله يحيدر زينب اتباريها — مكسوره خاطر بعدي لتخليها
أمن أمها الدهر يحرمها — أمن الصدر ينزف دمها
خويه وأسمعها توصي أتگله لو غمضت اعيوني
ياعلي ابثوب العليه رايده أمن أتغسلوني
ونعشي لو رايد تحمله ابليل اظلم شيعوني
وصتّه وهيه اتودعه — نعشي ابظلام اتشيعه
وگبري يحيدر ضيعه — من بعد ماتدفنوني
خل تبچي عينك يبن أبويه وعيني — ياهو الذي ايباريك ويباريني
نگعد يخويه يمها — أمن الصدر ينزف دمها
المصيبه
راحت الزهره يخويه حسين وبظيم العليها
راحت ألام ابصدرها والضلع مكسور بيها
وأخذت أوياها حزنها والهظم وأخذت بچيها
أوياها حزنها أخذته
من بعد ظيم الحملته
غير القهر ماشافته
ودعت دار الاحزان وراحت الدمعه بجفنها

قصيدة عن فاطمة الزهراء مكتوبة مولد

نبارك للامة الاسلامية مولد السيدة فاطمة بنت محمد صلى الله عليه وآله بن عبد الله بن عبد المطلب (سلام الله عليهم اجمعين) التي أشرق الكون بنور ولادتها في العشرين من جمادى الثانية في العام الخامس من بعثة خاتم الأنبياء صلى الله عليه وآله.

قصيدة عن فاطمة الزهراء مكتوبة مولد
قصيدة عن فاطمة الزهراء مكتوبة مولد

شعَّت فـلا الشمـس تحكيها ولا القمرُ
زهـراءُ من نورها الأكوانُ تزدهـرُ
بنـتُ الخلـود لها الأجيـال خاشعـةٌ
أمّ الزمـان إليهـا تنتـمي العُصُـرُ
روحُ الحيـاة ، فلو لا لطفُ عنصرها
لم تأتلف بينـنا الأرواحُ والصــورُ
سمت عـن الاُفق ، لا روح ولا ملَكٌ
وفاقت الأرض ، لا جـنٌّ ولا بشـرُ
مجبـولـةٌ مـن جـلال الله طيـنتُها
يرفُّ لُطفاً عليهـا الصـونُ والخَفـرُ
ما عابَ مفخَـرها التأنـيث أنَّ بهـا
على الرجال نسـاءُ الأرض تفتـخرُ
خِصالها الغـرُّ جلّت ان تلـوكَ بهـا
منّا المقـاولُ أو تدنـو لهـا الفكـرُ
معنى النبـوة ، سرُّ الوحي ، قد نزلتْ
في بيـتِ عصمتها الآيـاتُ والسورُ
حـوت خِلال رسـول الله أجمــعَها
لولا الرسالـةُ ساوى أصلـه الثمرُ
تدرّجت في مراقـي الحـقَّ عارجـةً
لمشرق النـور حيث السـرُّ مستـترُ
ثم انثـنت تمـلأ الدنيـا معارفُهــا
تطوى القرون عيـاءً وهـي تنتشرُ
قل للذي راح يُخفي فضـلها حسـداً
وجـه الحقيـقة عنّـا كيـف ينسترُ
أتقرن النـورَ بالظلمـاء من سفـهٍ ؟
مـا أنتَ فـي القـول إلاّ كاذب أشِرُ
بنـتُ النبـي الـذي لـولا هدايتُـه
ما كان للحـقّ ، لا عيـنٌ ولا أثـرُ
هـي التـي ورثـت حقـاً مفاخـره
والعطر فيه الذي في الـورد مدَّخـرُ
فـي عيد ميلادهـا الأمـلاكُ حافلـةٌ
والحور فـي الجنة العليـا لها سمـرُ
تزوجتْ في السماء بالمرتضى شرفـاً
والشمس يقرُنهـا فـي الرتبة القمـرُ
علـى النبـوّة أضفت فـي مراتبهـا
فضـل الـولاية لا تبقـى ولا تـذرُ
اُمّ الأئـمة مَـن طـوعاً لرغبتـهـم
يعلـو القضاءُ بنـا أو ينزل القـدرُ
قف يا يراعـي عـن مدح البتول ففي
مديحهـا تهتـف الألـواحُ والزبـرُ

من فاطمة الزهراء مكتوبة

قصيدة من فاطمة الزهراء مكتوبة :

من فاطمة الزهراء مكتوبة
من فاطمة الزهراء مكتوبة

لفاطمه كلمة شرف گلناها
نبقه خدام الهه ما ننساها
بدولة الموعود عاهدناها
عالجدم مشايه نتعنّــاها
من يجينه المنتظر بالآيه
باجر المهدي ينادي بثارها
يبني مرقد للزچيه بدارها
وتعتني كل الخَدم زوارها
تترس الدنيا حشد انصارها
غاية عدنا بالزياره الغايه
قُبّة المرقد ذهب يبنيها
راية للزهراء يرفع بيها
بالمواكب نوصل نعزّيها
نعتني من كربله لواديها
الشيعه والله كل وكت وفايه
مرقد بعلّو الثريه انشوفه
غصباً عله اهل السقيفه نطوفه
الهه مشايه نجي امن الكوفه
وبالكرم ام الحسن معروفه
تكرم بزوارها موصّايه
يالظلمتو الزهرة مهلا قادم
برايته المهدي يجي وبالصارم
( انّ وعدَ الله قولاً حاسم )
اقترب يوم الامام القائم
ويله ياويله اليشك بهايه
يعرف القائم تره الظلموها
قتل قتلو فاطمه واذّوها
للقصاص ايوگّف القتلوها
بياذنب ام الحسن عصروها
اتأذّت بكسر الضلوع هوايه
يرفع المهدي الظلم عن دِورها
ويرجع المرقد ينور بنورها
بالليالي الفاطميّة انزورها
نحيي يمها كربله وعاشورها
وتبقى راية فاطمه معلّايه

قصيدة عن فاطمة الزهراء باسم الكربلائي

نموذج قصيدة عن فاطمة الزهراء باسم الكربلائي :

قصيدة عن فاطمة الزهراء باسم الكربلائي
قصيدة عن فاطمة الزهراء باسم الكربلائي

رحلت بضعةُ خيرِ الخلق طه
تلكَ من يرضى إلهي لِرضاها
روعها .. عذبوها
بضعةُ المختارِ بالآلامِ وافاها المنونُ
و ادلهمت بعدها الدنيا فدنيانا أنينُ
حقَ أن تُكوى قلوبٌ حقَ أن تبكي العيونُ
دهرها يقسو بها بالجورِ دوماً لا يلينُ
لهفَ نفسي للبتول .. رُوعت بعدَ الرسول
بعد طه طُوقت بالنائباتِ
وأحاطتها سيوفُ المعضلاتِ
ألموها عذبوها .. روعها عذبوها
بعد طه دبر القومُ ألاعيبَ السقيفه
خالفوا أمر النبي إذ نصبوا ذاك الخليفه
يا لها من لعبة كانت بلا شك سخيفه
واستحال الأمر غصبا لإبنة الهادي الشريفه
خالفوا نهج الرشاد .. وارتدوا ثوب الفساد
إنهم جاروا على دين النبيّ
نكثوا البيعةَ للمولى عليّ
خالفوها عذبوها .. روعها عذبوها
بعد طه سُلبت نحلتها بالجورِ فاطم
وانتطى الغدر سيوفاً ليظلَ الظلمُ قائم
وليبقى الدينُ محكوماً بأشفارِ الصوارم
نية قد خبثت من من تردى الجور حاكم
بعد هادينا الذئاب .. أعلنت عنهُ إنقلاب
نكصَ القومُ على الأعقابِ ظلما
و أذاقوا البضعةَ الزهراءَ هضما
جرعوها عذبوها .. روعها عذبوها
بعد طه بان حقدُ القوم للناس جليا
روعوا الإنسية الحوراء كي يؤذوا النبيا
أحرقوا الدار عليها بعد ما قادوا عليا
هدموا بيتا أقامت فيه حزنا سرمديا
هدموا للحزن دار .. أضرموا بالقلب نار
مارعت حرمة هادينا الأعادي
تركوها بالأسى تنعى تنادي
غادروها عذبوها .. روعها عذبوها
بعد طه لاذت الزهراءُ من دونِ ستارِ
بين بابِ الدارِ للسترِ و ما بينَ جدارِ
عصروها أنبتوا المسمارَ في شرِ قرارِ
هشموا أضلاعها و استكبروا أهلُ الشنارِ
أسقطوا منها الجنين .. دونَ ذنبٍ ظالمين
أغضبوا في فعلهم ربَ الأنامِ
ويلهم فالخصمُ طاها بالقيامِ
حاربوها عذبوها .. روعها عذبوها

نعي عن فاطمة الزهراء مكتوب يمه يايمه

يعتبر نعي فاطمة الزهراء مكوب يما يايمه من اللطميات الشيعية وهو عبارة عن رثاء لها كونها زوجة إمام الشيعة علي بن أبي طالب، لأنهم يعتبرونه الرجل الأول في الاسلام ويرفعونه فوق الرسول صلّ الله عليه وسلم ، إليكم نماذج قصيدة نعي عن فاطمة الزهراء مكتوب يمه يايمه :

نعي عن فاطمة الزهراء مكتوب يمه يايمه
نعي عن فاطمة الزهراء مكتوب يمه يايمه

نعي عن فاطمة الزهراء مكتوب يمه يايمه
محتاره لمن تودعيني…يا يمه عندمن تخليني
بين الجفن و العين…ضميني يم حسين
يا يمه عندمن تخليني
زينب اشعدها وصيه من قلب قاسي زمانه
تصرخ بهالليلة أريدن قلبج ايضمني بحنانه
يُمه أعرف بعطف الأمومة محد يعوض مكانه
يمه باجر أظل بحيرتي…آنا و مصايب دنيتي
منهو اليسلي وحشتي…و دمعتي بخدي أمانه
تنزل دمعتي و تشوفيها…و الدنيه وياي أبجيها
بقلبي جرح و اثنين…ضميني يم حسين
يا يمه عندمن تخليني
يمه هذا حسين أشوفه يعثر بدمع المصيبه
نزلت بطوله دمعته ينادي ريضي يالحبيبه
يا من تقولين اصبري يمه و الصبر من وين أجيبه
يمه و حسين أشوفه ابيا وضع…عالخد نزل نهر الدمع
وبدمعته يغسل الضلع…و قصتج قصه عجيبه
كافي دليلي تحيرينه…و حسين أريدج تصبرينه
وين أتجه لاوين…ضميني يم حسين
يا يمه عندمن تخليني
اشلون أشوف الحسن يمه شايل اجروحه اعله إيده
مره ينظر لج بعينه و مره ينظر للصميده
يا من اتشوفين زينب ونة الونه الشديده
شفت الحسن قلبه انجرح…و الليله جم ذبحه انذبح
يمه بوداعج امحير صبح…و اعرفت شنهي اليريده
يمي يقول اعله فرقاها…للموت أمشي اويه ممشاها
و قلبي انجسم نصين…ضميني يم حسين
يا يمه عندمن تخليني
يمه و الكرار أبونه أحسب بنظراته خوفه
نظره يم نعش المصيبه و نظره للأيتام أشوفه
من جلوس ايصلي حيدر يا قلب باجر يعوفه
و يناشدج يم الحسن…لمن جرح قلبه الزمن
و يتذكر أيام المضن…و آنا بالدمعات أطوفه
ابيا عين أشاهد علي الليله…اقبالج يا يمه انهدم حيله
حيرني جرح البين…ضميني يم حسين
ييمه عندمن تخليني
يمه كل إنسان قالوا بالعقل يعرف مصيره
و من يغمض عينه باجر تحضر اتشيعه العشيره
و انت ليش ابليل أظلم شيعج صاحب الغيره
خبريني ليش أخفه القبر…اتلاشه يا يمه الصبر
آنا العزيزه أم الخدر…روح أبو الحمله و ضميره
هالليله قبرج يضيعونه…ليش النشامه اليشيعونه
وسط القلب نارين…ضميني يم حسين
يا يمه عندمن تخليني