يعرض لكم موقع إقرأ أجمل قصائد ضيدان بن قضعان ، و قصائد ضيدان بن قضعان ياوجودي ، و شعر ضيدان بن قضعان غزل ، و قصيدة ضيدان بن قضعان اهيض العبرات ، و ضيدان بن قضعان الهنوف ، ضيدان بن منصور بن ملهي بن قضعان آل عرجاء العجمي ، شاعر سعودي ويعد من رموز الشعر الشعبي في الجزيرة العربية ، نشرت أول قصيدة له في مجلة المختلف سنة ١٩٩٦، وله العديد من القصائد الشهيرة يعمل رئيس لمركز أم ربيعة في المنطقة الشرقية.

قصائد ضيدان بن قضعان

أقوى نماذج قصائد ضيدان بن قضعان :

قصائد ضيدان بن قضعان
قصائد ضيدان بن قضعان

قصيدة برج العاج

الدلو والميزان والقوس والحوت
ما غير برج العاج تغري وصوفه
وبرج بقلبي برج لولو وياقوت
لا يا بعد برج الحمام ورفوفه
ما يسكنه غيرك من السيف للكوت
لو ينتحي راس الولد عن كتوفه
علم وكيد بالمواثيق مثبوت
ما هو عذر اللي يفرك كفوفه
والله لا سافر لك لو ارجع بتابوت
وأنا من اللي ما ربوا في مروفه
على الشقا لاع الهوى كل شفلوت
وانتي تلوعين الحشا بالطروفه
والوقت للجاحظ والأيام هاروت
والقلب حاتم وانتي أغلى ضيوفه
يا مرحبا ترحيبة عقاب يا نوت
والحي يلحق لو تحده ظروفه
صوتك يكفيني عن الشرب والقوت
وشوفك غناتي والحياه مخلوفه
يا أقوى من اللوعات وأسخف من التوت
وأبلغ من البيت الأخير وحروفه
رجل تنادينه ولا يسمع الصوت
خسارة سمعه وصوته وشوفه
ورجل يضمك بين أياديه ويموت
والله ما يلحق حياته حسوفه

قصيدة سكر الخط

سكر الخط صبري وصل حده
أو تراجع لو الخاطر كسرته
صرت تلعب بقلب منت قده
غربلته الليالي وانت بورته
عقب ذيك المودة صرت ضد
ولو تجاهلت حبك ما نصرته
بين مزح الزمان وبين جده
لا قبلت الغرام ولا نفرته
كنت أقدر غلاك وكنت أوده
قبل ساعات لكني خسرته
حتما أنسى الغلا لو بعد مده
وإن ذكرته نسيته ما ذكرته
شيء عادي وسد الخط سده
يلعن الليل كان أني سهرته
ويلعن الحب ويلعن جد جده
انتهينا وسعيك ما شكرته

قصيدة عقب العفو

عقب العفو من سيد الجود كله
طاحت بي الدمعة على كف سلطان
الدمعة اللي جعلها فدوةٍ له
وأنا بعد فدوة مواطي كحيلان
ويفداه من جاش البكا رهبة له
ويفداه دمع العين شكرٍ وعرفان
حبيت ركبة سيدي حشمة له
ولي الشرف ويصير لي عقبها شان
البارحة كني على صلو مله
واليوم مشرافي على راس مابان
عديت روس النايفات المطلة
واخترت من غر القوافي والاوزان
في مدح من شرد القوافي تدله
تنقادله قود العسايف بالارسان
المدح ماله غير سلطان لله
والجود ماله غير سلطان عنوان
اسمه لحاله دولة مستقله
ويعيش في ظله شعوب وسلفان
وإن قلت حكام العرب تحت ظله
عندي على قولي دلايل وبرهان
ليا حصل في بعض الأوضاع خله
وتشتت فالروس الاريا والأذهان
هام الصعاب وكل عقد يحله
مهوب في حل الصعيبات بحلان
يشيل حمل اللي عجز مايشله
ويذري ذراه من أشهب اللال شيخان
واليا بطش كل ثبت في محله
واليا تغاضا طمرته طمرت حصان
والعفو عند المقدرة عادةٍ له
والحلم لوصدره من الغيض مليان
والجود من له غير سلطان من له
ومن للمحبة والمكارم والإحسان .

قد يهمك :

قصائد ضيدان بن قضعان ياوجودي

نموذج قصيدة ضيدان بن قضعان ياوجودي :

ياوجودي كل ما هبّ نسناس الشمال
وجد من حدّه زمانه على اللي ما يبيه
و يا وجودي كلما اضحيت ثم مال الظلال
لا غفت عيني و لا ذقت شي ٍ مشتهيه
وجد من قفّى و هْو في رجا كلمة تعال
و إلتفت من عقب ماْ اقفى ولا أحد ٍ لدّ فيه
و يا عذابي لا دنا الليل من روس الجبال
وانتهى يوم ٍ من العمر ما عاد أرتجيه
و انتي أبعد من سما الحلم و وصالك محال
يا بعد من هلّ دمعي ضحى الفرقا عليه
يا غناتي لا تحسبين دمعي يوم سال
ضعف و لاّ خوف و لاّ كذا و لاّ كذيه
و الله إني من رجال ٍ يضدّون الرجال
لكن الحظ ّالردي ساق دمعي كل أبيه
و الله إني كلما دار حوليك الجدال
قمت كنّ الموت يشّر على قبرى بديه
و الله ان قد لي و انا اصّد لاجالك مجال
صدّة اللي لا تضايق تذكّر قبر أخيه
و من سألني قلت مدري و إذا عاد السؤال
قلت له تكفى سؤالك ترى ما هو وجيه
وش تبيني اقول عن من ترى ذبحي حلال ؟
و الخطا منها عليّ صرت أحبه و أهتويه
عذرها لو ماْ تْعذّر مثل و اضرب مثال
واحد ٍ ما يعرف الحرّ الاشقر يشتويه
وان رجعنا للتواصيف لله الكمال
لاْ انتهى ليل المزايين جاتك تبتديه
كنّها غفل ٍ مع البدو طاويها الحيال
ما يميّز وصفها إلا نبيه ٍ من نبيه
وآ هني اللي وصلها و ذاق من الزلال
شربة مع غفلة الناس من فيها لفيه
وجد من باع آخر العمر في رغبة ذويه
و يا وجودي كل ما هبّ صوتك من شمال
وجد من حدّه زمانه على اللي ما يبيه

يا اول أحلام الطفوله على حد ّالخيال
الرجى باللي حمى البيت من حملة بريه
حال دونك سيف عنتر و تاسع حول حال
باْثر حول ٍ حال دونك و انا ادعى هيه هيه
هيه ياللي غرّك الحسن و اطغاك الجمال
و الله أني اموت ما شفت لأوصافك شبيه
لو يسام الحسن و التيه بجنيه و ريال
ما بقى في سوق غيرك ريال و لا جنيه
كيف أهدّك للمقادير و انتي راس مال؟
راس مال و مال و المال ماْ يعطى السفيه
حافظك حفظي لعيني و رمشي لك جلال
و انتي تْشحّين بالما و انا شفّي مويه
شايف ٍ ظلمك و ساكت و طال الليل طال
لا نويتي طعن قلبي و انا ما قلت ليه
لو بقى للهيل صبر ٍ على فوح الدلال
ما بقى للهيل صبرٍ علىشي ٍ يجيه
و انتي تْسوقين عقلي على حدّ الهبال
تحسبين ان من بغى شي يقدر يشتريه
و لاّ انا يا وجد حالي وجود ٍ ما يقال
وجد من ضحّى بغاليه لْرضا و الديه
و يا وجودي بأول العمر قبل ألبس عقال
وجد من باع آخر العمر في رغبة ذويه
و يا وجودي كل ما هبّ صوتك من شمال
وجد من حدّه زمانه على اللي ما يبيه

شعر ضيدان بن قضعان غزل

نموذج شعر ضيدان بن قضعان غزل :

لبا عيونك ولبا خدك وخاله
ولبا المحيا ولبا الليل والشفه
فديت عمرك بتجريحه وغرباله
لوتشربه الارض غبره والبحر جفه
هلي كما البدر غيضي كل حفاله
وسجي عن الليل لايلهيك في صفه
وهزي على صوت رجف القلب وهباله
الطار قلبي وكف توجعه شفه
ياشفه العين قبل تجين جماله
وجيتي ولاشفت غيرك لو رفع كفه
كنك لحالك حضرتي الحفل في الصاله
ولاشفت غيرك بشر ياقمه العفه
انتي زعيم رفع للقوم فنجاله
وكل تعذرشروبه ليله الزفه
انتي بيمني الحلا والناس بشماله
ثقيله العقل فيك الدم ياخفه
احيي فقيد بغيت ابكي على اطلاله
في غيرك يموت لو احييه وازفه
وان عودت للغلا غلاك بلحاله
انتي بكفه وباقي الناس في كفه

يامرحبا ترحيبتن كلهالش
تكسيش من راسش لي حد ماطاش
من قلب مهيوم بحبه صفالش
يلعب به الغربي لا سمع طرياش
يفرح لامنه قالش كيف حالش
ولولا غلاش وحشمتش كان ماجاش
وان قلتي انه غايتش شف بالش
كنه ملك ياعرب من الطاش للطاش
الا يابري حالي وين مالي ومالش
لا والله الا لي ولش نعنبا اللاش
من هامتي لمحزمي لش حلالش
بيتش فديتش واسكني بأوسط الجاش
واما بلشتي بي وانا فيش بالش
غديت مثل اللي شرى علته كاش
انا في وجه امش وابيش وخوالش
ماجيت لي حاجه واعود على ماش

قصيدة ضيدان بن قضعان اهيض العبرات

قصيدة ضيدان بن قضعان اهيض العبرات :

على عيد انكساري في غرامك قبل تسع سنيـن
تذكّرتـك وقلـت آكلّـمـك والنـيـة النـيـة
آلو لبيه يأغلى من ذبحنـي قبـل عـام ألفيـن
و مِـت ولا حييـت إلاّ علـى ذكـره وطاريّـه
أحبك وين ما سجّت عيوني في الزمـان الزيـن
وسجّجنـي الزمـان إللـي متاهاتـه خياليـة
ولا سجّيت عن آخـر لقـى عطّـارة البحريـن
ودهن العـود وأشيـاء الشيـوخ الارجوازيـة
رعى الله كل يومٍ مرّنـا مـا قبـل ذاك الحيـن
على زمّـة صُفـى الأيـام والأحـلام ورديـة
يوم إنك تستحي تذكر إن عمرك وصل عشريـن
وأنا ما طاب لي إلاّ ما ورى العشريـن بشويـة
ياحلـو أحلامنـا ومراهقتنـا والبـلا بعـديـن
كشفنـا ضحكـة أول حلمنـا ودمـوع تاليّـه
ولكن ما ندمنـا، ليـه؟ لأن العالـم الحلويـن
يعيشـون الغـلا وفـق القوانيـن السعوديـة
عفا الله عن ملذات الهوا والعشـق والتخميـن
وسجّـات الغـرام ولـذة الـحـب الحقيقـيـة
فديتك يوم تاخذني على كيفـك ولا أدري ويـن
معك من وين ذعـذع هـواك ومالـت الفيّـة
غدينا كنّك الشاعر وأنـا واحـد مـن الغاويـن
نهيـم بكـل واد مــن العلـيّـا للعزيـزيـة
وبعد ما فاتنا ركب الحياة وشفت شـوف العيـن
مسـارات الطريـق والاتجاهـات المصيـريـة
عرفت إن كل شيٍ لـه نهايـة والنّيـا والبيـن
مصير الشاعر إللـي خانـت أوزانـه قوافيّـه
خلاص اعزم على الفرقى ولا لك في رقبتي دين
تـرى حنّـا تعدّينـا الخـطـوط الاستوائـيـة
تفاهمنا على حسـم الأمـور وكلّنـا راضيـن
وتوادعنا مـا كـن قلوبنـا خضـر و هواويـة
ومع هذا عجزت أسج وأنسى وأتـرك المقفيـن
أغصـب القلـب لكـن الغـلا قـدرة إلهـيـة
أعن لكل ما في نجـد حتـى شـارع الستيـن
وأحن إلا ذعذع الغربي على أهل الشرق عصرية
وإلا منّه سرى من كـل ليـلٍ حـروة الثلثيـن
عرفت إن نسبة النسيـان دونك اثنيـن بالميـة
وفكّرت آتبدوى مع أهل البل وأترك أهل الضيـن
يجوز البل تنسّي مـن تبعهـا عـن مشاهيّـه
وشريت الوضح لعل وعساي أسلى مع السالين
وقعدت أشـد وأنـزل فـي التهاتيـه الخلاويـة
ولكن ما تغير حال هـذا أنـت اتحدانـي ليـن
نويـت أتـم نصـف الديـن والنيّـات مقفيـة
وخذيـت مـن البنـات الغيـد وحـدة وثنتيـن
عساي أسج عن طاري الهوا وطيـوف غاليّـه
لكن الوضع هو هو ما تغير والزمـان يشيـن
وحبك كل يـوم يزيـد فـي العيـن الشقاويـة
عسى ربي يعافينـي ولا يبـلاك قـول آميـن
تراني كنّـي إللـي واطـيٍ لـه جمـرةٍ حيّـة
وتراني يوم أكلّمك فديتك عقـب تسـع سنيـن
ما غيـر أهيّـض العبـرات ولاّ النيـة النيـة

ضيدان بن قضعان الهنوف

قصيدة ضيدان بن قضعان الهنوف :

الهنوف اللي سرت من نجد وامست بالحويه
ضيقت صدر الرياض وسافر الطايف وجاها
وانثنى غيم الحجازوخـد نجـد النرجسيـه
يوم جاته من زعلها كنـه تقصـر خطاهـا
زعوها وزعلت واخلت قصـور الفاخريـه
والحقتني شرهة الزعلان واخطاني رضاها
سافرت والله ماخبر اللـي يزعلهـا عليـه
واستباحت يالله الخيره سهر عينـي وماهـا
ليتها يوم استباحت دمعـة العيـن الشقيـه
استباحت دم قلبي من خلاهـا فـي خلاهـا
سامح الله ظلمها وطعونه الاخضـر النديـه
والله يسامح خناجرها ويعفو عـن خطاهـا
عرضتني للهبايـب والظمـاء والمهمهيـه
وتركتني للزعل والشوق والكبـر وغلاهـا
الغـلا ماهـو فـي يديهـا ولا فـي يديـه
الغلا شي(ن) من الله واشهد ان الله عطاهـا
ومن غلها لو توردني على حـوض المنيـه
كنه تسقيني الشهـد المصفـا مـن شفاهـا
ومن حلاها ما توصفه الحـروف الابجديـه
كيف توصف وردة(ن)يبري من العله شذاها
الورود تغـار منهـا مزهريـه مزهريـه
وان تباهت عذرها معها يحق لهـا تباهـا
مـا يشابههـا شبيـه ولا يحاليهـا حليـه
جل رب (ن) يوم صورها فرقها عن سواها
ان قبلت هيجنة وان اقفت جذبة السامريـه
وا عذابي ان عطتنـي وجههـا والا قفاهـا
ان بدا لي وجهها يشبـه صبـاح اليوسفيـه
وان غشتني نفحه من ليلها يسعد لي مساها
دره بالمـوت محروسـه والبحـر محميـه
البحر من دونها والموت الاحمر من وراها
دونها ماغليت واسمح لي ولا شداد المطيـه
مرخص بالقاع عمري والثريا فـي سماهـا
لايمي يبلى بحب الحضر في عيون بدويـه
في ظروف ما يقـارن مستـواه بمستواهـا
الله اقوى يافقير القلب ابو نفس (ن) غنيـه
مالك الا الصبر والجنه لاقاها مـن لقاهـا
والهوى اللي يطرح الرجال في يدين اجنبيه
علـه بالجـوف لا تبـرأ ولا يلقـا دوهـا
والهنوف اللي رضت بالثار تاخذها الحميـه
شفتها بالعين في قلبي وهي تاخـذ اقضاهـا
وشفتها تشتاق تطعني بـلا ذنـب وخطيـه
كثر ما تشتاق لاعماقي وانا اشتـاق لدفهـا
كل ما عرقـت بنسمهـا تحريـت لخويـه
والحقت الميسم بميسم كـذا علـى عماهـا
عاقبتنـي كـل يـوم تلحـق الكيـه بكيـه
واتعبتني وادركتني والحقت نفسـي مدهـا
وان تمادت جهزو قبري وانا ابكتب وصيـه
ابكتب الله لا يعاقبها ويرضـا لـي علهـا
العمـار تلفـه الايـام والدنـيـا مـديـه
والسنين تلف بي والنار تحرق من وطاهـا
علموها تلحق الباقي مـادام الشمـس حيـه
وتغانم ما بقـى منـي ومـا تطلـب فدهـا
لاتمـادا فـي جفهـا والريـاح الموسميـه
ما تقدر وقفت الاشجـار وتثمـن عطاهـا
علموها ما بقى لـي غيـر ادن الهاشميـه
كان ترضاها على والا تهون مـن جفاهـا
وانصحوها لا تحمل نفسهـا نفـس بريـه
وذكروهـا بالقبـر لاعلهـا والا عسـاهـا
وعلموهـا وعلموهـا لاتطـول بالحـويـه
ديرت(ن)ماهي بديرتها لو اعجبهـا هواهـا