يقدم لكم موقع اقرأ أروع قصائد زجلية مغربية ، و قصائد زجلية مغربية مكتوبة ، و زجل مغربي عن الزمان ، و زجل مغربي عن الدنيا ، و زجل مغربي ساخر ، و قصيدة مغربية مضحكة ، عزيزي القارئ هل تبحث عن قصائد زجلية مغربية ، تابع معنا هذا المقال لتتعرف على أجمل هذه القصائد :
قصائد زجلية مغربية
قصائد من الزجل تقارب الموروث الشعبي المغربي وفي تاريخ الثقافة الشعبية المغربية، لمعت أسماء عدد من الزجالين المغاربة، الذين كانوا ينظمون الشعر المقفى بالعامية المغربية ، و في مستهل مقالنا يسعدنا أن نعرض لكم أروع قصائد زجلية مغربية :
- زجل الربيع : بقلم عبدالله الهواري
الربيع يالربيع يا لزين وخضر
خضارك فالطبيعة شحال منضر
من خُضريتك العين تًسحر
الشوفة فيك دوا للقلب والبصر
زيد فبهاك ياربيع وكتر
نور ودير الورد والزهر
وخلي ألوانك زاهيةحمروصفر
وروايحك تسيح وتنشر
تدل على مكانك وتخبر
لشمها من غيرهواه يحضر
يشوفك المريض ينسى الضر
والمهموم يفرح ويتبشر
العاشق ينسى العداب والسهر
القلب القاسح يولي يشعر
والمكسور الخاطر يجبر
جولة فحضانك تسوى العمر
الكبير والصغير بيك ينسر
بحضورك يرجع الورق ل الشجر
وتغيرمنك النخلة ودير الثمر
والفراشة والنحلة ترقص وتعبر
والطير يغني باعلى صوت ويجهر
وكل صباح وراقك بالندى تقطر
اليوم جيتك ماصبت عليك صبر
بإحساسي نتكلم عليك ونهدر
نعيا باش نوصف فيك مانقدر
ل معرف قيمتك خاب وخسر
وسبحان من عطاك داك السر
يالربيع يا لزين وخضر.
- جزل ربي : للشاعر عبد الله الهواري
ربي راني فحبك عبد ذليل
وفيك يحلى الحب والغرام
بهواك انا حمق وهبيل
ولفيه هد الهبال مايتلام
هايم بيك ودمعي يسيل
واش الهيام فغرامك حرام
بذكرك يشفى القلب العليل
وتبرا الدات من الاسقام
وتولي ايامو نهارمن غير ليل
الا طاب ليك فيه المقام
والغافل عن ذكرك بخيل
سوادت فعينيه الايام
والشكرفحقك قد ماكان قليل
واخا مايكون غيرهوا فالكلام
انت الصاحب والصديق والخليل
سعدات داك لرافقته عل الدوام
ياربي ثوب عليا ذنبي تقيل
وغفر لي جميع الاتام
ماعندي زاد والطربق طويل
ارحم من زلت به الاقدام
قد يهمك :
- قصائد تميم البرغوثي
- قصائد امرؤ القيس
- قصائد البحتري في الوصف
- قصائد أحمد شوقي
- قصائد الشاعر معروف الرصافي
- قصائد ابن الوردي
- قصائد الشعر الملحون مكتوبة
قصائد زجلية مغربية مكتوبة
الزجل هو فن من فنون الأدب الشعبي يعود أصله إلى جزيرة العرب قبل الإسلام؛ (ولكن بعض الباحثين يعتبرون أن أصول الزجلترجع إلى الأندلس). وهو شكل تقليدي من أشكال الشعر العربي باللغة المحكية. وهو ارتجالي ، ونقدم لكم من خلال مقالنا أروع قصائد زجلية مغربية مكتوبة ، تابعوا معنا :
- قصيدة : يا عجبي
يا عجبي
العجب تعجب من عجبي
ما بقا ما تنصح
ما بقا ما تربي
أكندير
كندير مع صبري
للي اقلال صبرو
كندير أبنادم ساكت معانق قهرو
كي فايق كي ناغس
طالق شرار شرو
الى زاد الحال عالحال
وشطحت الغربان على قبرو
راه ما يدوم حال
اكون يدوم ربي بخبرو
ما زال يصفى الحال
والضبابة تتلاشى
ويرجع الغريب لبلادو
وصغارنا يكبرو
وللي قلال جهدو
ناخذو بيديه
وللخواطر نجبرو
وللي تقهر وتدبر اطاح
نوقفوه ونصبرو
ولا تهدم سور الدار
على سواعدنا نشمرو
ولا جف حوضنا أذبال
بعرقنا نرويوه
حتى يتفتح زهرو
يا عجبي ما بغينا غنة
ما بغينا دنة
ما بغينا كلمة احلم وتسنى
بغينا حب وامحنة
صافية على طول دوام
بالسلام ..واصفا تتغنى
- قصيدة : جميلة العينين تمهلي
جميلة العينين تمهلي
واصغ لكلماتي ولا تتعجبي
كل ما قوله
أنني في هواك محب
فلا تنزعجي ولا تغضبي
قد أصابني سهم الهوى
من عينيك فازداد خطبي
ما كنت يوما في هواك لاهيا
ولا كنت يوما ماجنا
أصارع غلبي
فهواك قبس من نور
ينير ظلمات دربي
وعشقك في روحي قد وقر
فصار جسدي سقيما
والدم ينزف في هواك قلبي
فالناس سكارى نيام
وقلبي يهفو اليك
يرجو قربك قربي
قد يصبو كل حبيب لحبيبه
ويموت في هواك قلبي المعذب
فكل خليل بخليله ينعم
وأهيم شوقا فيك
ويهيم فؤادي في سناك
ويغترب
ما عدت أهفو لزينة الدنيا
وما أمني الا رضاك
وتكوني جنبي
زجل مغربي عن الزمان
عزيزي القارئ هل تبحث عن زجل مغربي عن الزمان ، نقدم لكم في هذه الفقرة من مقالنا قصيدة زجلية تحت عنوان ايام زمان :
- قصيدة : ايام زمان
بكيت عليك يا جلست الاحباب
والطبلة مدرجة بالكيسان
فين ايام شباب
لدارها اوراه الزمان
مزينها مايدة ما تعاب
فيها زيت من شجر جنان
عسل النحل المدكور فالكتاب
اوخبز الشعير مدهون بالسمان
فين الصوف اوخيط الكباب
الحرير وبومنتل والكتان
بقات دكريات مع ايام نكاب
ونعيشو اوقتنا مع هدا الجيل العريان
الكلب ليوم عرف الرباب
وفالكفن خيطنى على حقوق الانسان
الغابة خافت من الحطاب
شجارها دبلت وتحنات لسي فلان
الطاغي بفلوس رجع لعاب
يضحك على القومان
فوجه المسكين سد شحال من باب
ونسى المن والاحسان
هدي ايام شفنا فيها العجب
القاوي يغلب الضعيف
اشعل فقلبو الرعب
بحال الشتاء بحال الصيف
المسكين فحياتو كيتعدب
ما يجودو ما يكرمو بالضيف
كلشي على راسو اكداب
السرقة النهيب والخطيف
والغاني بالفقراء كيلعب
نهار المامت كيف
كيف لدرتي عليك اتكتب
ليكان تقيل ارجع خفيف
الميزان كيتقلب
لاسيدي لامولاي لاشريف لدار دنب عليه اتعاقب
زجل مغربي عن الدنيا
نورد لكم فيما يلي قصيدة زجل تحت عنوان: هم الدنيا هموم ، للشاعر المغربي نور الهدى الغنيمي ، وهي :
سِيري يَا لِيامْ سِيري
ما كين ربَاحْ وَرِيتيني
نْهَارْ لي حَليتْ عَيْنِي
حَزْمُوهَلِي بحزَام اكْحل.
قَلْبي غْرَقْ هْمُومْ
و دْموعي عَمْرتْ الوِيدْيَان
و سْقِيتْ بِها لْجْنَانْ
مَاكِينْ لا سِلْمْ و لا أمَان
غِيرْ الظُلْمْ و النِسْيَانْ.
شْكِيتْ عْلِيكْ يَا لْحَجْرَةْ
وْ ما سْمَعْتِينِي
شْكِيتْ عْلِيكْ يَا الشَجْرَةْ
وْ مَا نَادِيتينِي
بْكِيتْ عْلِيكْ يا لْبْحَرْ
وْمَا شَافِيتينِي
لْمَنْ ياربي نْشْكِي هَمِي
ما بْقى لِيا لا حْبيبْ ولا شْقيقْ.
حِيثْ ما بِينْ الشْدة و الضيقْ
كَايْبَانْ لعْدو من الصْدِيقْ
زجل مغربي ساخر
من أكثر الموضوعات بحثا هي قصائد زجل مغربي ساخر ، وفي هذه الفقرة من مقالنا سوف نعرض لكم قصيدة زجلية ساخة تحت عنوان ، السياسة ممنوعة ، تابعوا معنا :
اسيدي شوف و سمع
نهار تحقق تردع
هادي الدنيا عادت تخلع
و بنادم ما بقا بغا يشبع
و ناري على اللي ما يشبع
راه شي نهار غادي يتفرقع
التيلاد قبل ما يسبع
خاصو من كونتو يتجمع
في زمان حسب حساب
ما بقا لا معقول لا احباب
زمان تقصار و تقشاب
و طريق الله عادت تتعاب
أنا عييت من التقلاب
واحد اخر مفتوح ليه الباب
ايه سيدي عندو الصحاب
و مخدم قانون الغاب
و بكثرة الأحزاب
عاد كلشي كاي تعاب
يا ربي يا وهاب
خذ لي حق في اللي كان سباب
المعارضة كاتشرق
التناوب جا غرق
الوفاق كايصفق
انا كانشوف ما كانبرق
السارق كايسرق
مع خوتو ما بغا يفرق
قلبي غادي يطرطق
على بلادي اللي كاتغرق
يا ربي يا قهار تمنيت في حياتي نعيش نهار
تفضح الأسرار و يبان الشفار
يا شفار يا شفار و راه تخلات على الدار
ناري على الديموقراطية
ناري على الشفافية
نزاهة انتخابية
حكومة تناوبية
تنمية بشرية
مخططات مستقبلية
ديما كاتقولوا ليا
بلي حياتي ملك يديا
لقيت راسي عبد و مرهون
لحساباتكم السياسية
هادي حملة انتخابية
و كلامها غليظ صعيب علي
في زمان عبادة الفلس
و لعبار ديال الرجال باللبس
الوعود كاتعطى في المجلس
و في الخفا كا يتلعب الفلس
و صايتي ليك يا الناعس
انتاخب على اللي ديما ناعس
في حياتو بيك ما حس
و بامتيازاتو على باباك أسس
قانون اللي يحمي بيه حقوقه
و اللب عايق يدخل سوقو
في خيراتنا كايفرقوا
و حنا غير كانبرقوا
كيف الفروج كانعوقوا
كانقولو قوقو قوقو ………..
تمنيت عليك يا رحمان
باش تبين البرهان
في زمان بنادم هربان
من واقعو ديما سكران
تقال لنا الخمر حرام
في الزناقي كاين بالعرام
يا ناس يا كرام
بغيتكم تعيشوا في سلام
لا تعيشوا عيشت اللئام
لا تمومتوا موتة كفار
عار الجار على الجار
تغدرت الخاوة و تدار العار .
قصيدة مغربية مضحكة
بهذا نكمون قد وصلنا الى ختام مقالنا و يسعدنا أن نعرض لكم قصيدة زجيلية باللهجة مغربية ، بقالب فكاهي ، تابعوا معنا :
- القصيدة ١ :
صرصور يمشي وحيد الأمانـــي
عابر المطبخي كمالك المكاني
شامخ الصدري واثق الأمالي
واذ بلحظة بل في ثواني
لمح صرصورة فائقة الجمالي
كأنها مصباااااح تنير االجواري
انصدم الصرصور وانقلب حاله
كأنها أصابته بسهم الغرامي
فأراد سؤالها بإستحيائي
أأنت ملاك أم صرصورة مجاري
فذهب اليها بسرعة الحصاني
مبتسم الثغر مرفوع الأمالي
واذ ب ريد بيف باف الأحمر الجديد
(مبيد حشرى) ذوالفعال العجيب
يخرج من بين الأوانــــي
موجها سمه نحو الإثناني
فشرد تاركها تلاقي حتفها كالجباني
إإخ ثم إخ على ريد بيف باف محطم الأحلامي
- القصيدة ٢ :
لكبيدة
غضبت عاود ثاني كيف لقويعيدة
خز الشيطان ويلاه نساريك في الجريدة
ونشري لحبي شكيليطة ومسيكة وحتى فينيدة
متقصحيش قلبك و ترديه بحال لحديدة
لفات مات والخصام ما فيه حتى فايدة
يلاه نتمشاو ويلا عييتي نهزك يا لوريدة
ماتنسايش راك خارجة دوري مع قليدة
لمهم انا عارض عليك لواحد الزريدة
غندوز عندك نهار السبت بالحديدة
يلاه تصبحي على خير ـ حبك حميدة