يقدم لكم موقع إقرأ أفضل شعر غزل عن الهنوف ، و الهنوف في الشعر، و الهنوف اللي خذت قلبي معاها ، و قصيدة الهنوف سعيد بن مانع ، و قصيدة الهنوف اللي سرت من نجد ، و شعر عن الهنوف تويتر، يُقال باللغة العربية الهنوف، ويعد اسم الهنوف ذو أصلٍ عربي، وقد استخدم بشكلٍ كبير في الدول العربية عامة، وفي دول الخليج بشكلٍ خاص، ويقال في كتب اللغة ” أنَ الإهناف نوع من أنواع الضحك، وقيل: أنّه الضحك الفاتر المشوب بالاستهزاء، وقيل: ضحك خفيف فوق التبسم، وهو مختص بالنساء ، و لمحبي اسم هنوف تعرفوا معنا على أجمل شعر غزل عن الهنوف.

شعر غزل عن الهنوف

الهنوف يعتبر واحدًا من أحدث الأسماء المميزة ويقصد المرأة الملاعبة، أو المرحة، أو المرأة التي تضحك كثيرًا باستهزاء، ويوجد هذا الاسم بكثرة في الخليج العربي، اليكم أهم شعر غزل عن الهنوف.

شعر غزل عن الهنوف
شعر غزل عن الهنوف

اسألك بالله قولي يالهنوف ….. اللعيون اشلون تقدر تشبعك
وش بقول انتي كمال بالوصوف ….. الحلا والزين كله منبعك
قلتها مجبور حدتنا الظروف ….. القصايد يابنيه تجزعك
إن كتبت البيت ضيعة الحروف ….. ابتدي ثم انتهي ثم ارجعك
القلم وشلون يكتب والكفوف ….. تردد التصفيق لجل تسمعك
طارة الطيران مع راع الدفوف ….. إن وقفتي ثم مشيتي بصبعك
وإن تمايلتي تصاقط لك الوف ….. صرتي الفايز وكل شجعك
لعنبو حيك طغيتي بالردوف ….. كنك تقولين جيت اولعك
والشعر منثور من فوق الكتوف ….. الله الله ياحلاهم مروعك

لو نزفت الشعر في وصف الهنوف
ما يمـل القـاف مـن تلحينهـا
الغرير اللي لـه الخافـق يـروف
اشهد انـي غـارق فـي عينهـا
تجتمع في خلقته أبهى الوصـوف
والقمر غاب وخجل مـن زينهـا
مشيته كنه علـى حـد السيـوف
ناعمـه ملعـون سابـع لينـهـا
لاقبلت صفق لهـا كـل الوقـوف
ولاسـرت سـار قلبـي حينـهـا
قالت اكتب . منك يا زين الوصوف
قلـت وينـي والقصايـد وينهـا
من لمحتك ناسي كـل الحـروف
ما أفـرق سينهـا مـن شينهـا

الهنوف
ياناس عشقت وحده أسمها من أجمل الحروف
من شافها أدمن شوفها وصار ملهوف
يتمنى لقاها طول العمر وتحظن إيديها الكفوف
فيها رقه ودلع طيبه وحنان وشي مألوف
مالقيت بحسنها لوألف الدنيا وأطوف
لوقالوا أنتي*خقه *قولي هذا من أول معروف
شوف الحسن قدامك مافي داعي براهين وحلوف
نورها ضاوي لنا مايهم لوصابنا الخسوف
عمري (19) وفيها مريت بناس مئات وألوف
لكني مالقيت مثلها .مشاء الله كاملة الوصوف
يابخت ألي فاز فيها يوم ظرب الدفوف
يله فكر من تكون ملكة الجمال يله شوف
هذي أجمل ما خلق ربي وأبدع {الهنوف}
محبتج {عايشه}ألي قلبها عليج عطوف

قد يهمك :

الهنوف في الشعر

اليكم اجمل شعر عن الهنوف جميلة جدامتعددة ورومانسية في اسم هنوف كلمات مختارة بعناية باسم هنوف تابعوها معنا في التالي :

الهنوف في الشعر
الهنوف في الشعر

قال الكميت:
مهفهفة بيضاء كاعب
تهانف للجهال منا وتلعب
وقال ابن بري: مثله قول الآخر:
إذا هن فصلنا الحديث لأهله
حديث الرنا فصلنه بالتهانف
قال ابن سيده:
وتهانف به تضاحك، قال الفرزدق:
من اللف (..) تهانف للصبا
إذا أقبلت كانت لطيفا هضيمها
وقيل هو الضحك الخفي.
وقال الليث: الهناف مهانفة الجواري بالضحك وهو التبسم، وانشد:
تغض الجفون على رسلها
بحسن الهناف وخون النظر
والمهانفة: الملاعبة أيضا.
وقال المبرد: التهانف الضحك بالسخرية والمهانفة الملاعبة وانشد لعنتر ابن الأخرس:
تكف وتستبقى حياء وهيبة
لنا ثم يعلو صوتها بالتهانف
(التهنف)
ومن الأدب العامي قال عبدالله بن سبيل:
وإلى بغيت اترك مجاله هنف لي
وعودت له والقلب ركب اردعيه
وقال آخر:
من ذل منا لا تبينه يا الهنوف

الهنوف اللي خذت قلبي معاها

الهنوف اللي خذت قلبي معاها ، الشاعر علي بن درهم الأشول الدهمي :

الهنوف اللي خذت قلبي معاها
الهنوف اللي خذت قلبي معاها

الهنوف اللي خذت قلبي وراحت
واعدتني وانكبتني وش وراها
دلة الاشواق وسط القلب فاحت
ياحبيبي واستباحت من غلاها
استباحت وستباحت وستباحت
لين عيني طولت بي في عماها
وانت تدري دمعتي مايوم طاحت
غير باالشايب عسا تلقا جزاها
الغلا باالقلب مير النفس باحت
نفسي اللي ماعرفت اتبع هواها
ماتبعت النفس يوم النفس ناحت
رافعٍ نفسي ورافع مستواها
استرحت وهقوتي هي ماستراحت
عايشه في هم يوم الله بلاها
لي هجوس استنفرت فيها وصاحت
صيّحت المشتاق والعين ومناها
يوم نفسي بحبها راحت وساحت
مالقيت اللي يذريني ذراها
الهموم اللى بوسط القلب زاحت
بس يوم ويوم كني في رجاها

قصيدة الهنوف سعيد بن مانع

فيما يلي قصيدة الهنوف سعيد بن مانع :

قصيدة الهنوف سعيد بن مانع
قصيدة الهنوف سعيد بن مانع

الهنوف الساكنه بين الضلـوع المنحنيه
والله ان تبطي وتبطي ماتناحت عن سكنها
اهنفت قلبي بلا ميعاد بالعين البريـه
وارحلت عني بلا ميعاد ويل القلب منها
خابرنها من لدود العين خفره مستحيه
وخابرنها مهرةٍ ياصعب تجويدة رسنها
وخابرنها من حلاها ما اتركت لأحدٍ بقيه
كنها بعرش الحـلا متربعه تامر وتنها
وخابرنها لا تـثـنّت ارسم بلوحه بهيـه
(ثمرتينٍ ناضجه من نضجها ميّل غصنها)
وخابرنها تحبني .. وتشتاق لي .. وتحن ليه
وخـابرنها خابرنهـا والله اني خـابرنهـا
ليه خلتني معرّض للريـاح الموسميـه
وليه خلتني بلا علم بمرابعها ووطنها
قبل انا لا من حزنت القى من يهـون عليه
وعقبها احزاني يتيمه مالقت من يحتظنها
واوجودي وجد من نص العزا عيد الضحيه
آتوجـد وأتكتـم لكن العين اتعلنهـا
أشهد بأن الوفى في شخص ما عاملك زيه
مثل من خلى فرايضها ويهـتم بسننهـا
اسنتينٍ منّها والشـوق ناره مصطليـه
وغلطةٍ منها وأنا اللي للأسف دافع ثمنها
انتظر مرسالها والانتظـار أكبر بليـه
ولا لفى مرسالها من يوم ماقفى ضعنها
بس تبقى ساكنه بين الضلـوع المنحنيـه
لو نحت عن ناظريه ماتناحت عن سكنها
عادتي لامن حملت لشخص حب ومقدريه؟
لوتناسى مانسيته عادةٍ ماأجوز عنها

قصيدة الهنوف اللي سرت من نجد

قصيدة الهنوف اللي سرت من نجد لضيدان بن قضعان :

قصيدة الهنوف اللي سرت من نجد
قصيدة الهنوف اللي سرت من نجد

الهنوف اللي سرت من نجد وأمست فالحوية … ضيقت صدر الرياض وسافر الطايف وجاها
وأنثنا غيم الحجاز لخد نجد النرجسية … يوم جاته من زعلها كنها تقصر خطاها
زعلوها ورحلت وأخلت قصور الفاخرية … وألحقتني شرهة الزعلان وأخطاني رضاها
سافرت والله ما أخبر اللي يزعلها عليه … وأستباحت يالله الخيرة سهر عيني وماها
ليتها يوم أستباحت دمعة العين الشقية … ما أستباحت دم قلبي من خلاها في خلاها
سامح الله ظلمها واطعونها الخضر الندية … والله يسامح خناجرها ويعفوا عن خطاها
عرضتني للهبايب والضمى والمهمهية … واتركتني للزعل والشوق والكبر وغلاها
والغلا ما هو في يديها ولا هو في يديا … الغلا شيٍ من الله وأشهد إن الله عطاها
من غلالها لو توردني على حوض المنية … كنها تسقيني الشهد المصفى من شفاها
من حلالها ما توصفها الحروف الأبجدية … كيف توصف وردة يبري من العلة شذاها
الورود تغار منها مزهرية مزهرية … وإن تباهت عذرها معها ويحق لها تباهى
ما يشباهها شبيه ولا يحاليها حلية … جل ربٍ يوم صورها فرقها عن سواها
لأقبلت هيجنت وإن أقفت جذبت السامرية … وعذابي إن عطتني وجهها ولا قفاها
إن بدالي وجهها يسعد صباح اليوسفية … وإن غشتني نفحةٍ من ليلها يسعد مساها
درةٍ بالموت محروسة وبالبحر محمية … البحر من دونها والموت الأحمر من وراها
دونها ما أغليت واسمحلي ولا شداد المطية … مرخصٍ بالقاع عمري والثريا في سماها
لا يمي يبلى بحب الحضر في عيون بدوية … في ظروفٍ ما يقارن مستواه بستواها
الله أقوى يا فقير القلب أبو نفسٍ غنية … مالك إلا الصبر والجنة لقاها من لقاها
والهوى ألي يطرح الرجال في يدين أجنبية … علةٍ في الجوف لا تبرى ولا يلقى دواها
والهنوف الي ترد الثار تاخذها الحمية … شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطية … مثل ما تشتاق لأعماقي وأنا أشتاق لدفاها
كل ما عرقت بميسمها تحريت الخوية … وألحقت من ميسم لميسم كذا علا عماها
عاقبتني كل يومٍ تلحق الكية بكية … واتعبتي و ادركتني والحقت نفسي مداها
وإن تمادت جهزوا قبري وأنا بكتب وصية … بكتب الله لا يعاقبها ويرضالي علاها
العمار تلفها الأيام والدنيا مدية … والسنين تلفني والنار تحرق من وطاها
علموها تلحق الباقي ما دام الشمس حية … واتغانم ما بقي مني وما تطلب فداها
لا تمادى في جفاها والرياح الموسمية … ما تقدر وقفة الأشجار وتثمن عطاها
وعلموها ما بقالي غير أدن الهاشمية … كان ترضاها علي ولا تهون من جفاها
وأنصحوها لا تحمل نفسها نفسٍ برية … وذكروها بالقبر لعلها ولا عساها
وعلموها علموها لا تطول في الحوية … ديرةٍ ما هي بديرتها لو أعجبها هواها

شعر عن الهنوف تويتر

شعر عن الهنوف تويتر 1
شعر عن الهنوف تويتر 1
شعر عن الهنوف تويتر 2
شعر عن الهنوف تويتر 2
شعر عن الهنوف تويتر 3
شعر عن الهنوف تويتر 3
شعر عن الهنوف تويتر 4
شعر عن الهنوف تويتر 4
شعر عن الهنوف تويتر 5
شعر عن الهنوف تويتر 5