رواية انثى حطمت دفاعاتي الحصينة – مقــــــــــــــــدمه :

هي جميله متمرده
التمرد هو نقص حنان
رغبه في الاهتمام
المتمرد شخص يقول مرحبا انا موجود
التمرد صفه مميزه تتوج الاميرات
التمرد حزن دفين
هي مزاجيه تليق بها مقوله
مزاجي له تسعه و تسعون طقسا .. فلا تعبثوا به
هي مغروره
فراشه بالوان زاهيه تاسر العيون و تحبس الانفاس
الغرور ستاره تخفي بها عيوبها
هو امير يلوح من بعيد بغرور موازي
يقول احب فيكي ما لا تحبيه فأطمئني

رواية انثى حطمت دفاعاتي الحصينة – الحلقه السابعه

نظر لها عمرو من جديد فوجد الجيب فعلا قصيره حتي انها لا تصل لركبتها .. ثم تخيل العمال في الشركه و الماره في الشارع و هم ينظرون لها مما زاد من عصبيته
عمرو بغضب هادر : قلت لا .. اخلصي ادخلي غيري الزفته دي
مي : خلاص يا عمرو اهدي .. حصل ايه لكل دا
عمرو بعضبيه : يا ماما انتي مش شايفه طريقه لبسها
ادهم بخبث : وانت مالك و مالها .. اظن انها كبيره كفايه (ثم اصطنع التفكير ) لا تكون بتغير
عمرو : ب ب بغير ايه بس .. الناس تقول عليها ايه لما تشوفها لابسه كدا .. و بعدين انا خايف عليها مش اكتر .. ما هي مسؤوله مننا
ادهم : انت شايف كدا

عمرو : هو في ايه انت هتستجوبني
نظرت لهم مي فهي لم يخطر ببالها ابدا موضوع الغيره ابدا .. لما لا .. فهي امه و تفهمه جيدا .. كيف لم تنتبه لنظرات الغيره الواضحه بشده علي ملامح عمرو .. كيف لم تنتبه لنظرات التحدي في اعين ادهم .. اهي بالفعل تفرق بينهم .. ايغار ادهم من اخيه
مي بصوت غير مسموع : ارجع بسرعه بقي يا مصطفي
في شركه العسيلي .. دخلت ضحي الي المكتب متاخره نصف ساعه فوجدت محمد ينظر لها بنظرات قاتله
محمد : اول مره اعرف ان المدير الي بيستني السكرتيره
ضحي باحراج : سوري بس ….
محمد مقاطعا : مش عايز اعذار .. لو سمحتي عايز النسكافيه بتاعي علي المكتب .. انا هسامحك المرادي .. بس اتمني تبقي اخر مره
ضحي : تمام .. (قالت محاوله لتحسين العلاقه بينهم ) هو حضرتك فطرت
محمد باستغراب : لا ليه
ضحي : مينفعش تشرب النسكافيه قبل الفطار
محمد : ميخصكيش
ثم تركها و غادر الي مكتبه
ضحي : لا ماهو مفيش بني ادم بيتولد رخم كدا
ريم : يا عيني انتي بدأتي تكلمي نفسك من دلوقتي
ضحي : بقولك يا ريم .. هو من ومان و هو رخم كدا

ريم : لا اطلاقا .. يا بنتي دا كان عسل .. بس السكرتيره الي كانت قبلك كانت مفهماه انها بتحبه و هو يا عيني حبها و بعدين عرف انها بتشتغل لشركه منافسه و بتنقل الاخبار و مش بس كدا .. دا عرف انها علي علاقه بصاحب الشركه المنافسه دي .. و بعد اما عرف فضل ميجيش الشغل 3 شهور و لما رجع بقيت انا سكرتيرته هو و مستر يوسف لغايه ما انتي جيتي
ضحي بأشفاق : يا حرااام .. تصدقي صعب عليا (بخوف) يا نهار … دا انا نسيتت النسكافيه بتاعه
ريم بضحك : استلقي وعدك يا جميييل
ضحي : ريم .. يا ريمم .. جزمه
نظرت ضحي باتجاه شنطه يدها ثم ابتسمت في خبث : سوري يا انطي
قامت ضحي بوضع الساندوتشات التي اعطتها لها مي قبل مغادرتها في طبق و طلبت عصير برتقال فريش
ضحي : استر يا رب
قامت ضحي بفتح الباب بعد عده طرقات و تركت الطبق علي مكتب محمد ثم حاولت الهروب من امامه
محمد : استني هنا .. انا طلبت نسكافيه
ضحي : و انا قلت لحضرتك .. ان النساكفيه قبل الفطار مش حلو
محمد : وانتي مالك اساسا .. انا قلتلك تجيبي فطار .. (بصوت عالي) ردي عليا انا قلتلك
ضحي بعيون لامعه : لا
محمد بعصبيه : اطلعي بره

خرجت ضحي من المكتب و جسلت علي مكتبها ثم انفجرت في البكاء .. سمع محمد صوت شهقاتها فرق لها قلبه
محمد لنفسه : يوووه هو انا كان لازم اعلي صوتي عليها كدا .. طب ما هي الي ادخلت في الي ملهاش فيه .. بس البنت برضو باين عليها انها مدلعه مش وش مرمطه .. يوووه احسن عشان متدخلش في الي ملهاش فيه بعد كدا
علي الجانب الاخر في مكتب عمرو .. كان يعمل عمرو في ملف قضيه وكلت اليه حتي طرأ علي ذهنه فجأه ضحي !!!
عمرو : اكلمها اشوف بتعمل ايه
عمرو : الو .. الو … ضحي
ضحي ببكاء : ايوه
عمرو بفزع : ضحي مالك بتعيطي ليه
ضحي : عش عشان . عشان
عمرو مقاطعا : اهدي كدا .. بصي خدي نفسك كدا … ها هديتي
ضحي : اااا .. ايوه
عمرو بتنهيده : مالك بقي
ضحي : عمرو ممكن تيجي تاخدني
عمرو بحنان : مش هينفع .. قوليلي ليه

ضحي ببكاء اكثر : ليه
عمرو : عشان انا مينفعش اسيب شغلي و اجيلك و كمان انتي مينفعش تسيبي شغلك كدا .. صح ولا انا غلطان
ضحي ببكاء : صح
عمرو بحنان : مش هتقوليلي مالك بقي
ضحي : محمد زعقلي
عمرو بتنهيده : ليه
ضحي : عشان هو طلب نسكافيه و لما سألنه فطر ولا لا قالي لا .. فجبتله فطار .. قام زعقلي يا عمرو
عمرو بغيره : وانتي تجبيله فطار ليه اساسا ما يولع .. هو لو عايز فطار هيطلب
ضحي بنحيب : كنت عايزه اساعده مش اكتر
عمرو : خلاص اهدي .. بصي اشربي مبه و اهدي كدا و روحي اقعدي مع ريم صاحبتك دي لغايه ما تهدي .. ضحي متعيطيش قدام حد تاني .. فاهمه
ضحي : حاضر
عمرو بابتسامه : يلا يا ست ضحي قومي اغسلي وشك كدا
ضحي بابتسامه من وسط دموعها : حاضر
عمرو : ابقي كلميني لما تهدي ..ىسلام
ضحي : حاضر .. سلام .. عمرو
عمرو : نعم
ضحي : شكرا

عمرو بضحك : العفو يا ستي .. امشي بقي ورايا شغل
ضحي بضحك : حاضر .. باي
عمرو لنفسه : انا الي جبته لنفسي .. ضحي مش للشغل اصلا .. دي لو حد زعق لها هتخرب الدنيا و هتعيط .. مجنونه بت اللدينه .. لما اشوفك يا محمد الكلب .. محدش يزعق لضحي غيري

مازن : عمرررررررو
عمرو : ايه يابني فزعتني .. انت هنا من امته اساسا
مازن : من الصبح .. سرحان في ايه كدا
عمرو : انا .. ااا … سرحان ف القضيه الجديده دي
مازن : المفروض اصدقك انا كدا
عمرو : امال ايه يابني
مازن : خلاص هعديها .. و هسيبك لما تحكيلي بنفسك
عمرو : ماشي يا اخويا .. خلينا ف المهم .. القضيه دي …..
في منزل عمرو

مي لنفسها : طب و الحل ايه .. دي تبقي مصيبه .. التحدي الي ف عينيهم دا قالقني استر يا رب .. طب اعمل ايه .. انا خايفه عليهم .. بسسسس لقيتها
امسكت مي بهاتفها و اتصلت
مي : الو
نهي : ايوه يا مي .. ازيك يا حبيبتي
مي : كويسه .. ازيك انتي و ابتهال عامله ايه
نهي : بيتا كويسه اهي .. خليتها تروح النادي عشان تخفف عن نفسها شويه .. البنت يا عيني حزينه خالص و مش بتاكل
مي : اه يا حبيبه خالتها .. صحيح حددي معاد بقي عشان نفرحها
نهي بعدم تصديق : يعني ايه
مي : يعني حددي معاد عشان نطلب ايد ابتهال لعمرو
نهي : يا الف نهار ابيض .. دا انتوا تنوروا يا مي
مي : حبيبتي يا نهي .. بصي حددي المعاد و احنا نجيلك
نهي : ماشي يا حبيبتي
مي : سلام
نهي : سلام

نظرت دعاء لامها بصدمه : ماما ايه الي انتي عملتيه دا
مي : بنت .. ملكيش دعوه
دعاء : مليش دعوه !!! .. انتي عارفه لما تقولي لعمرو هيعمل ايه
مي بتوتر : هيعمل ايه يعني
دعاء : ماما .. انتي عملتي كدا علي اساس ايه .. انتي عارفه ان عمرو مبيحبش ابتهال من و احنا صغيرين و ضيفي انه مش بيطقها بسبب اسلوبها
مي : بنت دي بنت خالتك .. اخترمي نفسك .. و بعدين مالها ابتهال .. زي القمر اهي
دعاء : بس ابنك مبيحبهاش و عمرو حضرتك عارفه ان مستحيل حد يجبره علي حاجه
مي بعصبيه : انا امكوا و خايفه عليكوا .. كان لازم اعمل كدا .. اتفضلي علي اوضتك و حسك عينك تقولي لاخوكي حاجه .. فاهمه
دعاء : فاهمه يا ماما .. بس صدقيني هتخسري عمرو بالي بتعمليه دا
مي بصراخ : قولت علي اوضتك
تمتمت مي بصوت خافت : انتي مش فاهمه حاجه .. انا بعمل كدا لمصلحته
في مكتب محمد .. كان محمد في صراع حاد بينه و بين نفسه من ان يعتزر لضحي او يترك الامر و لا يهتم و لكن الجزء الطيب بداخله .. رفض ان تحزن تلك الفتاه بسببه .. فخرج ليبحث عنها .. حتي سمعها تتحدث مع ريم
ريم : الصراحه انتي الي غلطانه
ضحي : انا

ريم : ايوه .. انتي عارفه لو مستر يوسف كنت قلت عادي .. انما مستر محمد مشةهيقبل كدا
ضحي بصوت عالي : هو انا عملت ايه .. انا جبتله يفطر بس
ريم :ضحي انتي مش ف امريكا .. الي انتي عملتيه دا ممكن يتفهم انك بتجري ناعم معاه .. او عايزا تلفتي انتباهه
ضحي : والله انا عملت كدا عادي .. و مش في دماغي حاجه
ريم : عارفه .. عارفه انك بتتصرفي بعفويه .. بس حاولي تاخدي بالك من تصرفاتك معاه .. خصوصا انه عمره ما هيفهمك صح . هيفهم انك عايزا تقربي منه
ضحي : ماشي حاضر
دخل محمد الي المكتب
محمد : انتوا فتحتوها هنا حفله سمر ولا ايه
ريم بأحراج: سوري يا فندم انا همشي يا ضحي
ضحي بغيظ : حضرتك كنت عايز حاجه
محمد : اه .. ااا .. انا .. ااا .
ضحي باستغراب : ايوه
محمد : انا اسف اني زهقت عليكي .. بس انا مكنتش ف مود كويس
ضحي بابتسامه : خلاص محصلش حاجه
محمد : تمام .. و ميرسي علي الفطار
ضحي : العفو
ضحي بزهول بعد ان غادر : دا اعتذر .. لا وقال ميرسي .. الله !! .. ماهو مطلعش وحش اهو امال في ايه بقي
في تمام الساعه ال3 وصل عمرو الي شركه العسيلي و صعد الي الدور الذي تعمل به ضحي .. فوجدها منكبه علي بعض الاوراق تقرأها بتمعن ثم تنقل شيء ما الي ورقه اخري في انهماك واضح

عمرو : هعطلك عن حاجه يا ست المهمه
ضحي بأبتسامه : عمرو !!!
عمرو : شايفك بقيتي احسن دلوقتي
ضحي بأحراج : اسفه لو كنت قلقتك عليا
عمرو : بت .. عيب كدا
ضحي : متقولش بت
عمرو بضحك : حاضر يا برنسس .. خلصتي شغلك ولا لسه
ضحي : خلصتة
عمرو : طب يلا
ضحي : يلا
في السياره
عمرو : بس ايه الروقان دا .. دا انتي ب 100 مزاج مش كنتي عماله تعيطي من ساعتين بس
ضحي : اه .. ماهو محمد اعتزرلي بقي و قالي ميرسي علي الفطار .. فسامحته بقي
عمرو بغيظ : محمد اعتذر !!!
ضحي : اه
عمرو لنفسه : محمد اعتذر .. جديده دي .. يخربيتك يا شيخه .. محمد اعتذر .. اعمل فيكي ايه تاني
.. انقبك عشان ترتاحي و ارتح و اريح البني ادمين .. محمد اعتذر !!!!!
نظر لها عمرو بغيظ : وبعدين
ضحي باستغراب : وبعدين ايه
عمرو : حصل ايه في بقيت اليوم

ضحي : ولا حاجه قعدت مع ريم شويه و بعدين خلصت شغلي و انت جيت
عمرو : بس .. يعني .. يعني ما شفتيش محمد تاني
ضحي : لا شفته في البريك و قالي انه هيعزمني علي الغدا عشان يعتذرلي يعني
اوقف عمرو السياره علي بغته فأرتدت ضحي للامام
ضحي بصراخ : عمررررو في ايه
عمرو بصدمه : محمممممد عمل كدا
ضحي : و انا هكدب عليك يعني .. في ايه
عمرو بعصبيه : مفيش .. مفيش خالص .. مفيش اطلاقا

في بيت نهي
نهي : ابتهال يا بيتا
ابتهال :بيتا !! .. ايوا يا ماما خير
نهي : خير طبعا .. دا خير جداا
ابتهال باستغراب : انا مش مطمنه علي فكره
نهي : ليه يا بنتي هو انا يهمني غير مصلحتك .. هو انا ليا غيرك
ابتهال : المهم يا ماما خير في ايه
نهي بفرحه : خالتك كلمتني الصبح تخيلي ليه
ابتهال بملل : لييه
نهي : بتطلب ايدك لابن خالتك عمرو
ابتهال بعدم تصديق : بتهزري !!
نهي : اه والله
ابتهال : مش مصدقه .. اشمعنه دلوقتي
نهي : مش مهم .. المهم انه طلب ايدك
ابتهال : اه صح
نهي : احنا لازم ننزل نعمل شوبنج
ابتهال : اه .. اكيد
في منزل عمرو وصل عمرو وضحي الي المنزل
عمرو : مساء الخير يا ماما
ضحي : جود افيننج انطي
مي : مساء النور يا حبايبي .. احضرلكوا الغدا
عمرو : يا رييييت
علي طاوله الغداء

مي : عمرو انا كنت عايزا اقولك حاجه
عمرو باستغراب : خير يا امي
مي : عمرو انا .. انا
عمرو : في ايه يا ماما
مي ): الصراحه بقي انا طلبتلك ابتهاال بنت خالتك
عمرو باستغراب : يعني ايه طلبتيهالي (بسخريه) و دي طلبتيها من ماك و لا من بيتزا هات
مي : انت بتتريق يا عمرو
عمرو مغادرا : عن اذنكوا نفسي اتسدت
مي و هي تذهب خلف عمرو : عمرو يا عمرو
خرجت مي و عمرو من الصالون تاركين خلفهم ضحي و التي لم ينتبه احد منهم الي دموعها التي نزلت رغما عنها
دعاء : ضحي انتي بتعيطي
انتبهت ضحي لدعاء و مسحت دموعها : لا دا في حاجه دخلت في عيني
دعاء بحزن : هتخبي عليا يا ضحي
ضحي بحزن : مش هخبي عليكي وولا حاجه يا دعاء .. انا بس عيني واجعاني من الصبح .. انا هدخل انام

دخلت ضحي الي غرفتها و اغلقت الباب خلفها و اخدت تنحب بشده من قهرها
اما في غرفه عمرو
مي : عمرو انا امك .. اتعامل معايا باحترام اكتر من كدا
عمرو : ماما لو سمحتي اقفلي الموضوع دا دلوقتي .. انا مش طايق نفسي
مي : فيها ايه ابتهال .. البت زي القمر و محترمه و كل حاجه
عمرو : يا ستي بنت اختك ملاك .. بس انا مش عايزها
مي : لييييه
عمرو : مبقبلهاش مبحبهاش
مي : يعني
مي : يعني لو جبتلك واحده غيرها هتقبل
عمرو بارتباك : لا برضو
مي : ليه بقي
عمرو : عشان انا المفروض اختار شريكه حياتي مش حضرتك
مي : يووووه .. عمرو شيلها من دماغك .. مش هينفع
عمرو : هي مين دي
مي : انت عارف انا اقصد ايه .. بلاش .. الحب مش كل حاجه .. دا غير انه ممكن جدا يكون من طرفك انت بس
في القاره الاخري في نيويورك .. رجل خمسيني متسطح علي سريره لا حول له ولا قوه .. من الواضح انه يعاني من المرض الشديد
ماريا : mr mostafa .. miss doha should have known about your illness
مصطفي : ابو زنك يا شيخه

ماريا : what !!!
مصطفي : nothing maria .. you can go now
ماريا : ok.. but when will you tell miss doha about your cancer
مصطفي بصراخ : marya .. leave me alone
ماريا : ok .. ok
بعد ان غادرت ماريا : مش هقولها .. مش هعذبها جنبي .. لما اموت هتنجرح مره واحده و خلاص .. انما لو عاشت معايا بمرضي .. هتنجرح في اليوم ميييه مره .. انا اسف يا بنتي

رواية انثى حطمت دفاعاتي الحصينة – الحلقه الثامنه

بعد ان غادرت ماريا : مش هقولها .. مش هعذبها جنبي .. لما اموت هتنجرح مره واحده و خلاص .. انما لو عاشت معايا بمرضي .. هتنجرح في اليوم ميييه مره .. انا اسف يا بنتي
عند عمرو
عمر باستغراب : ليه لا

مي : ضحي مش هتنفعك يا عمرو .. ضحي مبتحبش سي السيد و انت متنفعش الا انك تبقي سي السيد .. ضحي لبسها مش هينفع معاك و هي مستحيل تقبل انك تغير فيها .. ضحي مش هتعرف تشيل مسؤوليه بيت و اطفال .. هتربيهم علي ايه ؟؟ .. ها .. رد عليا
عمرو : يمكن الي انتي بتقوليه دا صح .. بس انا متاكد اننا هنتقابل ف نقطه معينه .. هي هتتنازل و انا هتنازل و هنتقابل في نقطه واحده هنبقي شبه بعض
مي : كلامك جميل جدا .. بس هسالك سؤال
عمرو : اتفضلي
مي : هل ضحي بتحبك .. هل هي هتقبل اصلا تتنازل عن اسلوب حياتها عشان .. هل هي قويه عشان تعرف تغير من نفسها
عمرو : ضحي قويه جداا يا ماما

مي : لا ضحي مش قويه .. ضحي هشه جداا .. دي دلوعه ابوها يا عمرو و انت مش هتتحمل دلعها.. ضحي ابوها كان مش مخليها عايزه حاجه .. انت هتقدر علي مصاريفها .. ضحي محتاجه كمان 24 سنه عشان تبقي اد المسؤوليه
عمرو : يا ماما .. ضحي انا مش بحبها من يوم ولا اتنين .. ضحي حب الطفوله و حب المراهقه و حب الشباب و هتفضل اول واخر واحد تدخل قلبي .. افهميني بقي
مي : عمرو انت عمرك ما حكيتىي انك بتحبها
عمرو : عشان انا وعدت بابا اني مش هطلب ايدها الا اما ابقي راجل و قد المسؤوليه .. بس انا مش عايزها ليا و بس .. انا عايزها بقلبها و بعقلها و بروحها .. عايز كل حاجه فيها .. كل حاجه فيها تبقي مربوطه بيا زي ما كل حاجه فيا مربوطه بيها
مي : طب و ابتهال
عمرو : ماما ابتهال .. بصي مش هقولك اختي .. لاني اساسا مش بطيقها
مي : يا بني البنت بنت حلال و ..
عمرو مقاطعا : ماما لو سمحتي انا صنف حواء اتحرم عليا من بعد ضحي . انا لو متجوزتش ضحي مش هتجوز .. مش عشان انا عيل و عبيط و الجو دا .. لا لاني فعلا مش شايف بنت غيرها .. مش شايفه انوثه الا فيها .. عمري ما هبقي راجل الا ليها قبل ما اكون عليها فاهماني
مي بتنهيده : فاهماك .. فاهماك يا عمرو
عمرو : شكرا يا امي لانك فهمتيني
مي : طب و خالتك اقولها ايه

عمرو : قوليلها عمرو مش هيتجوز غيرها .. و مش شايف غيرها
مي : ماشي يا حبيبي .. ربنا يقويك و يهديهالك
عمرو و هو مقبلا يدها : تسلميلي يا امي .. هقوم انا و البس عشان الحق البرنسس و اوصلها لشغلها الاول
مي بضحك : ربنا يسعدك يا حبيبي
عمرو : و يفرحك بينا كلنا يا ست الكل
عند ضحي استيقظت ضحي في حاله مزاجيه سيئه جدا
ضحي : اوووف .. فين الشوز البينك .. اووووف .. راح فين الزفت دا .. البليزر راااح فين …. عاااا يا ربي
خرجت ضحي من غرفتها و هي تظفر في ضيق
مي : مالك يا ضحي
ضحي بضيق : مفيش يا انطي .. (بارتباك) انطي هوو .. ااا .. هو ..
مي باستغراب : عايزا حاجه يا ضحي
ضحي بضيق اكبر : لا مفيش
عمرو بخبث : هاا مش هتباركيلي يا ضحي
ضحي بلمعه دموع : لا مش هباركلك .. و كمان مش هخليك توصلني للشغل انا ماشيه
و خرجت ضحي من المنزل و اغلقت الباب ورائها بعنف
عمرو بضحكه وهو يغمز لوالدته : همشي انا يا ست الكل .. الحق المجنونه دي
مي بضحك : ماشي يا حبيبي
بعد ان نزل عمرو من المنزل وجد ضحي تقف امام العماره تنتظر تاكسي و هي تبكي
عمرو : ضحي انتي بتعيطي ليه
ضحي : ملكش دعوه و سيبني ف حالي لو سمحت
عمرو : اياكي .. فاهمه اياكي .. تعيطي تاني بسببي او بسبب غيري .. اخر مره هنبهك علي دا
ضحي بصوت عالي : ملكش دعوه بيا بقي
عمرو بصرامه : وطي صوتك
ضحي ينحيب : سيبني ف حالي بقي

عمرو : بتحبيني
ضحي بصدمه : نعم !!!
اقترب منها عمرو حتي ضار ما يبعدها عنه هو بضع سنتيمترات
عمرو بصوت واطي : بقولك بتحبيني؟؟
ضحي بارتباك : انت .. انت .. لا .. ااا .. ابتهال .. انت ايه الي بتقوله دا
عمرو بضحك : اهدي .. بصي عموما انا مش محتاج اسألك علي فكره .. عينك فاضحاكي
ضحي يتلقائيه : بجد .. اقصد انا مش فاهمه انت قصدك ايه
عمرو : ياااه جه اليوم الي اشوفك فيه مكسوفه
ضحي : انت .. انت ازاي تقولي كدا (ثم اكملت بغيره ) و بعدين مش هتخطب ابتهال .. عايز مني ايه بقي
عمرو بغمزه : دا انتي واقعه بقي
ضحي : ايه
عمرو بضحكه : يا بنتي واضح انك بتغيري عليا اصلا
ضحي و قد احست بالاحراج فبدأت تبكي مره اخري
ضحي : عمرو انت عايز مني ايه
عمرو : بحبك
ضحي بصدمه : ايه
عمرو : قلت بحبك
ضحي يصدمه : بجد
عمرو بضحكه و هو يمسح دموعها : اه بجد
ضحي بخجل و هي تبعد يده : ااا .. ااا .. انا لازم اروح الشغل .. ع ..ع .. عشان ما تأخرش
عمرو : ضحي

ضحي : نعم
عمرو : انا واثق فيكي .. متخلنيش اندم .. انا اتحديت الكل عشانك .. اوعي تحرجيني قصادهم و تفهميهم ان اختياري غلط
اومأت ضحي برأسها موافقه : ماشي .. يلا بقي عشان ما اتأخرش
عمرو بضحك : ضحي
ضحي : اممم
عمرو : محمد
ضحي : مالو
عمرو : ما تخليهوش يتعدي حدوده معاكي
ضحي : بس …
عمرو : ضحي !! .. دا المفروض حاجه تعمليها من نفسك مش انا الي انبهك ليها
ضحي : ما اقصدش انا اقصد انه بيتعامل عادي .. و بعدين حرام دا يا عيني .. حصل معااه …
عمرو مقاطعا : ضححي !! لو سمحتي انا ما يلزمنيش حصل معاه ايه .. انا الي يهمني انتي .. و يهمني كمان انك تحترميني .. تمام
ضحي بتمتمه : تمام
في منزل نهي
نهي للخدامه : ايه دا الصاله مش نضيفه ليه
الخادمه : يا مدام نهي حرام عليكي انا مسحتها مرتين قبل كدا
نهي : انتي هتناقشيني .. اخلصي
الخادمه : يا مدام انا تعبت و معتدش قادره .. انا بعمل الحاجه مرتين علي الاقل
نهي : انتي هتحاسبيني ولا ايه .. اخلصي
نهي و هي مغادره : دي هتناقشني كمان .. هه .. هزلت
نهي و هي تفتح باب غرفه ابتهال : بيتا .. اصحي يا عروسه .. يا بيتا اصحي بقي .. عايزين نعمل شوبنج .. يووه دا انا نسيت اكلم خالتك اقولها علي المعاد
ابتهال : يووووه يا ماما .. سيبني انام بقي

نهي : ماشي بس هصحيكي كمان ساعه
ابتهال بنوم : ماشي .. ماشي
خرجت نهي من غرفه ابنتها و هي تمسك موبايلها و هي تضرب ارقام هاتف اخنها
نهي بحب مصطنع : ميوي .. حببتي ازيك
مي بتوتر : ااا نهي .. ازيك يا حبيبتي .. عامله ايه
نهي : كويسه يا روحي .. ها مش عايزا تسالي عن حاجه
مي : ها اا .. لا مش واخده بالي
نهي باحباط : كدا يا مي .. انتي مش كنتي قولتيلي احددلك معاد
مي : هاا
نهي : هو ايه الي ها يا مي .. هو في ايه
مي : مفيش يا حبيبتي
نهي : طب تعالو يوم الاربع الجاي علي 7 كدا .. تمام بالنسبالكو
مي بتوتر شديد : بصي يا نهي .. هو .. هو بصراحه يعني
نهي بتمعن : ايوه.. بصراحه .. هاا
مي : يصراحه كدا .. عمرو مرضيش
نهي بعصبيه : ازاي مرضيش .. هو لعب عيال
مي : يا نهي الولد مش شايفها غير اخته
نهي : طالما كدا .. انتي قولتيلي ليه انه موافق
مي : ااا .. كنت فاكره انه موافق
نهي : يا سلاام .. مي الي انتي يتعمليه دا هيخسرنا بعض

مي بحزن : عارفه يا نهي .. بس الحاجات دي نصيب
نهي : لا مش نصيب لما تتصلي و تطلبي معاد عشان تتقدمولها و انتي عارفه ان البنت بتحبه يبقي مش نصيب .. مي انا هعتبر اني مسمعتش حاجه .. تمام
مي : يا نهي اسمعي
نهي مقاطعه : انا لازم اقفل .. سلام
مي : يا ربي .. انا اعمل ايه دلوقتي
عند ضحي ….
وصلت ضحي في الوقت المحدد
محمد لنفسه : اتأخرت ليه دي .. اتاخرت ايه يا محمد .. دي اتاخرت 5 دقايق .. انت مهتم ليه يعني .. تفتكر مش هتيجي تاني .. يوووه وانت متدايق ليه .. عشان يعني انا الي دايقتها و كدا .. يا راااجل !! .. اه اه امال هيكون ليه يعني

ضحي يجديه : صباح الخير يا استاذ محمد
محمد بفرح : انتي جيتي !! .. اقصد صباح الخير يا ضحي .. اتاخرتي ليه
ضحي باستغراب : اتاخرت !!
محمد : اااا .. خلاص مش مهم روحي شغلك
ضحي : اوك
خرجت ضحي من مكتب محمد لتجد ريم
ريم : ضحححي
ضحي : هششش يخربيتك .. هيخرج يحرجك تاني .. هو انتي غاويه
ريم : اوووف .. هولاكو دا
ضحي بضحك : هههههه هش يخربيتك .. هتفضحينا
ريم بغمزه : ايوا يا عم
ضحي باستغراب : ايه
ريم و هي توكزها في كتفها : يا بت
ضحي : ايه يا بنتي .. في ايه
ريم : الواد القمر كان بيوصلك من شويه
ضحي بضيق : يوووه ريم لو سمحتي بطلي تقولي عليه كدا
ريم و هي تلعب بخدودها : يا كوكو .. بتغيري يا بطه
ضحي : اوووف .. بس بقي يا ريم
ريم بضحك : برضو مش هتحكيلي

ضحي : احكيلك عن ايه
ريم بخبث : عن القمر يا قمر
ضحي : قولت متقوليش يا قمر .. و بعدين مفيش حاجه تتحكي
ريم : يا شييييخه .. بقي الضحكه الي م الودن للودن دي و مفيش .. بقي النظرات و الحاجات دي و مفيش
ضحي بصدمه : انتي بجد لاحظتي كل دا في الدقيقه الي وصلني فيها
ريم بزهو : يا بنتي انتي مستقله بمواهبي
ضحي : لا اطلاقا .. ازاي استقل بمواهبك
.. عند عمرو
عمرو : ميزو .. واد يا مازن
مازن : ميزو !!
عمرو : انت لسه هتستغرب .. عامل ايه يا واد
مازن : انا مش مطمنلك علي فكره

عمرو : ليه
مازن : يا بني و ربنا ما مطمنلك
عمرو : طب يلا نشتغل ياخويا .. ادي اخره الي يعاملك باحترام
في شركه احمد العتال
احمد : ها يا توفيق .. عندك اخبار جديده
توفيق بخبث : الباشا الظابط مش فاضي اليومين دول
احمد باستغراب : ليه
توفيق : عايش معاهم ف البيت بنت كدا يا باشا يعني .. المهم يعني اني وانا براقبه كانوا ف وضع كدا قدام بيته .. بيدل ان بينهم حاجه
احمد بخبث : و البت دي نظامها ايه
توفيق : بص يا باشا هي شغاله ف شركه اخو الواد صاحبه الظابط دا .. و عايشه معاهم ف البيت يعني اكيد قريبته

احمد : امممممم .. ماشي يا توفيق عدي علي الحسابات و خد مكافأتك
في نيويورك في فيلا مصطفي الحديدي والد ضحي
كان يرقد مصطفي علي الفراش يلتقط انفاسه الاخيره و امامه رجلا ربما يسجل تسجيل صوتي
مصطفي : يلا يا محمود افتح التسجيل .. انا ماضمنش اني اعيش لبكره
محمود المحامي : اتفضل يا فندم
مصطفي : ضحي .. حبيبتي .. انا لو حكيتلك انتي وحشتيني اد ايه مش هتصدقي .. بنتي انا اسف اني ربيتك غلط كنت فاكر اني كدا
بعوضك عن حنان امك الي اتحرمتي منها و انتي صغيره .. بنتي انا اسف اني ربيتك علي انك تبقي انانيه و اسف اني ربيتك علي الدلع و
اني مزرعتش فيكي الدين و التقاليد بتاعتنا .. ضحي .. بنتي .. انا لو كنت اب فاشل .. سامحيني .. كنت مشغول اني اامنلك مسقبلك
بالفلوس و نسيت اني المفروض احميكي من نفسك الاول و من الي حواليكي .. اسف يا ضحي .. متزعليش عليا اصل هبقي مع حببتي بيلا
هبقي مع امك يا بنتي .. هتوحشيني

التقط مصطفي انفاسه الاخيره و انتقلت روحه الي الرفيق الاعلي .. معلمه عن انتهاء حياته .. تاركا خلفه .. ابنته الحببيبه .. ضحي !!!
دخلت ماريا الي الغرفه
Marya : omg what happened
Mahmoud : i think he died !!
Marya : shit .. shit .. i should call miss doha
Mahmoud : no , wait
Marya : why .. she should know .. you know !!
Mahmoud : she will know but not with this way .. ok
Marya : ok .. it’s your responsibility now .. deal ?
Mahmoud : deal

في مصر .. عند نهي
نهي : ابتهال يا فقر .. انتي يا زفته
ابتهال : يا ماما انتي بتتحولي
نهي : بتحول !! .. لازم اتحول
ابتهال : يوووه .. عموما انا جبت شويه فساتين جامده موووت
نهي بسخريه : ليه
ابتهال : عشان الخطوبه !!
نهي : هو انتي متعرفيش
ابتهال : اعرف ايه
نهي : مش عمرو صرف نظر عن الموضوع
ابتهال : اييبيييييه
في منزل عمرو
كانت مي تفكر في كيفيه الخروج من تلك المعضله مع اختها و كيفيه الخروج منها بطريقه دبلوماسيه دون الاضرار ان تخسر اختها
لكن فاجأها رنه موبايلها
محمود : مي هانم .. ازاي حضرتك
مي باستغراب : كويسه .. ازيك انت ي محمود و ازاي مصطفي .. هو مش بيكلمني ليه
محمود : مدام مي في خبر محزن جدا انا لازم اقوله لحضرتك
مي : خير يا محمود .. مصطفي كويس
محمود : هو الحقيقه … اااا
مي : في ايه
مي : في ايه يا محمود .. انت قلقتني
محمود : مدام مي استاذ مصطفي تعيشي انتي
مي بصدمه : ايييييه !!!