قصص مغربية بالدارجة – نقدم لكم مجموعة من افضل قصص مغربية بالدارجة كوميدية, قصص مغربية بالدارجة رومانسية, قصص مغربية بالدارجة Facebook, قصص مغربية بالدارجة واتباد, قصص مغربية بالدارجة للاطفال نتمنى أن تنال إعجابكم.
قصص مغربية بالدارجة
ﻛﺎﻥ ﺇﺳﻢ ﺩﻳﺎﻟﻬﺎ ﻣﺮﻭﺓ ﻛﺎﻥ ﻓﺎﻟﻌﻤﺮ ﺩﻳﺎﻟﻬﺎ 15 ﺳﻨﺔ ﻛﺎﻧﺖ ﺗﻘﺮﺍ ﻓﻠﻴﺴﻲ ﻭﺧﺎﻃﻬﺎ ﻟﻮﻟﺪ ﻣﻠﻲ ﻛﺘﺨﺮﺝ ﻣﻦ ﺍﻟﺪﺍﺭ ﻭﻫﻲ ﺣﻄﺎ ﻋﻴﻨﻬﺎ ﻓﺎﻷﺭﺽ ﻭﻣﻠﻲ ﻛﺘﺮﺟﻊ ﻟﺪﺍﺭ ﻛﺘﺪﺧﻞ ﺍﻟﻜﻮﺯﻳﻨﺔ ﻣﻦ ﺑﻌﺪ ﺗﺮﺍﺟﻊ ﺷﻮﻳﺔ ﻭﻣﻠﻲ ﻛﺘﺴﻠﻲ ﻛﺘﺪﺧﻞ ﺍﻟﻔﺎﺳﺒﻮﻙ ﺗﻬﻀﺮ ﺷﻮﻳﺎ ﻣﻌﺎ ﺻﺤﺎﺑﺘﻬﺎ .
ﻭﺍﺣﺪ ﺍﻟﻨﻬﺎﺭ ﻭﻛﻴﻒ ﺍﻟﻌﺎﺩﺓ ﻛﺎﻧﺖ ﺩﺍﺧﻠﺔ ﺍﻟﻔﺎﻳﺴﺒﻮﻙ ﻭﻛﺪﻭﺭ ﻓﻴﻪ ﺣﺘﻲ ﺑﺎﻧﻮ ﻟﻴﻬﺎ ﺗﺼﻮﺭ ﺩﻳﺎﻝ ﻭﻟﺪ ﻋﻤﻬﺎ ﺟﺎﻟﺲ ﻣﻌﺎ 2 ﺑﻨﺎﺕ ﻋﻠﻰ ﻃﺎﺑﻠﺔ ﺩﻳﺎﻝ ﺍﻟﺸﺮﺍﺏ ( ﺍﻟﺨﻤﺮ ) ﻭﻫﻲ ﻣﻌﺠﺒﻬﺎﺵ ﺍﻟﺤﺎﻝ ﻭﻧﻀﺖ ﻭﺑﻘﺎﺕ ﺗﻜﻮﻣﻨﻄﻲ ﻋﻠﻰ ﺗﺼﻮﺭﺓ ﺩﻳﺎﻝ ﻭﻟﺪ ﻋﻤﻬﺎ ﻭﺻﺎﺣﺐ ﻭﻟﺪ ﻋﻤﻬﺎ ﺑﻘﺎ ﻳﺮﺩ ﻋﻠﻴﻬﺎ ﻭﺻﻴﻔﻂ ﻟﻴﻬﺎ ﺃﻧﻔﻄﺴﻴﻮ ﻭﺑﻘﺎﻭ ﻳﻬﻀﺮﻭ ﻭﺃﻛﺘﺸﻔﺖ ﺑﻠﻲ ﻫﺪ ﺍﻟﺸﺨﺺ ﺳﻤﻴﺘﻮ ﺳﻔﻴﺎﻥ ﻭ ﺃﺧﺖ ﺩﻳﺎﻟﻮ ﺻﺎﺣﺒﺖ ﻣﺮﻭﺓ ﺑﻘﺎﻭ ﻳﻬﺪﺭﻭ ﻟﻤﺪﺓ ﻃﻮﻳﻠﺔ ﺑﺤﺎﻝ ﺃﺻﺪﻗﺎﺀ ﻣﻊ ﺍﻟﻮﻗﺖ ﺗﻌﺮﻓﻮ ﻋﻠﻰ ﺑﻌﻀﻴﺘﻬﻢ ﺑﺰﺍﻑ ﺣﺘﻲ ﻟﻮﺍﺣﺪ ﻧﻬﺎﺭ .
ﺳﻔﻴﺎﻥ : ﻣﺮﻭﺓ ﺑﻐﻴﺖ ﻧﻬﺪﺭ ﻣﻌﻚ ﻓﻮﺍﺣﺪ ﺍﻟﻤﻮﺿﻮﻉ
ﻣﺮﻭﺓ : ﻣﺮﺟﺒﺎ، ﺧﻴﺮ ﺇﻥ ﺷﺎﺀ ﺍﻟﻠﻪ
ﺳﻔﻴﺎﻥ : ﺻﺮﺍﺣﺔ ﺭﺍﻛﻲ ﻋﺠﺒﺎﻧﻲ ﻭﺑﻐﻴﺘﻚ ﺗﻮﻟﻲ ﺣﺒﻴﺒﺘﻲ ﺃﺵ ﻗﻮﻟﺘﻲ !!!
ﻣﺮﻭﺓ : ﺳﻔﻴﺎﻥ ﺃﺵ ﻛﺘﻘﻮﻝ ﺃﻧﺎ ﻋﺪﺍ ﺑﻘﺎ ﺻﻐﻴﺮﺍ ﻭﺯﻳﺪﻭﻥ ﻣﺒﻐﻴﺖ ﺣﺘﻲ ﻭﺍﺣﺪ ﻳﻜﻮﻥ ﻓﺤﻴﺎﺗﻲ …..
ﻭﺑﻘﻲ ﻟﻤﺪﺓ ﺛﻼﺕ ﺃﺷﻬﺮ ﻭﻫﻮ ﻛﻴﻬﺪﺭ ﻣﻌﻬﺎ ﻓﻨﻔﺲ ﺍﻟﻤﻮﺿﻮﻉ ﻭﻳﻘﻮﻝ ﻟﻬﺎ ﺃﻧﺎ ﻛﻨﺒﻐﻴﻚ ﻭ ﻋﺠﺒﺘﻨﻲ ﻣﻦ ﺃﻭﻝ ﻧﻬﺎﺭ ﻫﺪﺭﺕ ﻣﻌﻚ ﻋﻄﻴﻨﻲ ﻏﻴﺮ ﻓﺮﺻﺔ ﺣﺘﻲ ﻟﻮﺍﺣﺪ ﺍﻟﻨﻬﺎﺭ ﻗﺎﻟﺖ ﻣﻌﺎ ﺭﺍﺳﻬﺎ ﻋﻼﺵ ﻣﻨﻌﻄﻴﻬﺶ ﻓﺮﺻﺔ ﺃﻧﺎ ﻣﺨﺴﺮﺍ ﻭﺍﻟﻮ ﺃﺻﻠﻦ ﺳﻔﻴﺎﻥ ﺿﺮﻳﻒ ﺑﺰﺍﻑ ﻭﻛﻴﻌﻤﻠﻨﻲ ﺃﺣﺴﻦ ﺗﻌﺎﻣﻞ ﻭﻓﺪﻳﻚ ﻟﻴﻠﺔ ﻫﺪﺭﺕ ﻣﻌﻪ ﻭﻗﺘﻠﻮ ﻣﺮﻭﺓ : ﺃﻧﺎ ﻗﺒﻠﺔ ﻧﻜﻮﻥ ﺣﺒﻴﺒﺘﻚ ﺳﻔﻴﺎﻥ : ﺃﺃﺃﻩ ﻭﺃﺧﻴﺮﺍ، ﺃﺟﻲ ﻏﺪﺍ ﺑﻐﻴﺐ ﻧﺸﻮﻓﻚ ﻣﺮﻭﺓ : ﻓﻴﻦ !! ﻭﻋﻼﺵ !! ؟ ﺳﻔﻴﺎﻥ : ﻓﺎﻟﻘﻬﻮﺓ ﻋﻨﺪﻱ ﻟﻴﻚ ﻣﻔﺠﺄﺓ ﻣﺮﻭﺓ : ﻭﺧﺎ ﺻﺎﻓﻲ ﺇﻥ ﺷﺎﺀ ﺍﻟﻠﻪ ﺍﻟﻐﺪ ﻟﻴﻪ ﻟﺒﺴﺎﺕ ﻣﺰﻳﺎﻥ ﻭﻗﺪﺍﺕ ﺍﻟﺸﻌﺮ ﻭﺍﻟﺤﺎﻟﺔ ﻭﻣﺸﺎﺕ ﺍﻟﻘﻬﻮﺓ ﻓﻴﻦ ﺗﻔﻘﻮ ﻳﺘﻠﻘﺎﻭ ﻏﻴﺮ ﻭﺻﻠﺖ ﺩﺧﻠﺖ ﻭﻟﻘﺎﺗﻮ ﻣﻊ ﺑﺰﺍﻑ ﺩﻳﺎﻝ ﻟﺒﻨﺎﺕ ﻭﻫﻮ ﻓﺎﻟﻮﺳﻂ ﺩﻳﺎﻟﻬﻢ ﻣﺮﻭﺓ : ﺗﺒﺮﻙ ﺍﻟﻠﻪ ﺗﺒﺮﻙ ﺍﻟﻠﻪ ﻫﺪﻱ ﻫﻲ ﺍﻟﻤﻔﺠﺄﺓ ﺟﺎﻟﺲ ﻓﻮﺳﻂ ﻟﺒﻨﺎﺏ . ﻭﻫﻲ ﻣﻜﻤﻠﺘﺶ ﻛﻠﻤﻬﺎ ﺣﺘﻲ ﻭﻗﻔﻮ ﻛﻠﻬﻢ ﻭﺑﻘﺎﻭ ﻳﻘﻮﻟﻮ ( ﺳﻨﺔ ﺣﻠﻮﺓ ﻳﺎﺟﻤﻴﻞ ﺳﻨﺔ ﺣﻠﻮﺓ ﻳﺎﺟﻤﻴﻞ ﺳﻨﺔ ﺣﻠﻮﺓ ﻳﺎ ﻣﺮﻭﺓ ﺳﻨﺔ ﺣﻠﻮﺓ ﻳﺎﺟﻤﻴﻞ ) ﺍﻟﻤﻔﺠﺄﺓ ﻛﺎﻧﺖ ﻛﺒﻴﺮﺓ ﻭﺑﺰﺍﻑ ﻭﻫﻲ ﺇﺣﺘﻔﺎﻝ ﺑﺎﻟﻌﻴﺪ ﺍﻟﻤﻴﻼﺩ ﺩﻳﺎﻟﻬﺎ 16 ﻫﻲ ﻓﺮﺣﺖ ﺑﺰﺍﺍﺍﺍﺍﻑ ﻣﺮﻭﺓ : ﺳﻤﺤﻠﻴﺎ ﺑﺰﺍﻑ ﺿﻠﻤﺘﻚ ﺃﺣﻴﺎﺗﻲ ﺳﻔﻴﺎﻥ : ﺳﻜﺘﻲ ﻣﺎﺗﻘﻮﻟﻲ ﺣﺘﻲ ﻛﻠﻤﺔ ﻫﺪ ﺍﻟﻨﻬﺎﺭ ﺩﻳﺎﻟﻚ ﻭﺧﺼﻜﻲ ﺗﺴﺘﻤﺘﻌﻲ ﺑﻴﻪ .
ﻭﻓﺎﺗﺖ ﺃﻣﺴﻴﺔ ﺯﻭﻳﻨﺎ ﻣﺮﻭﺓ ﺯﺍﺩ ﻛﺒﺮ ﺳﻔﻴﺎﻥ ﻓﻌﻴﻨﻬﺎ ﺑﻬﺪ ﺷﻲ ﻟﺪﺍﺭ ﺩﺯﺍﺕ ﺷﻬﺮﻳﻦ ﻋﻠﻰ ﻋﻼﻗﺘﻬﻢ ﻭﻛﻠﺶ ﻛﺎﻥ ﻏﺎﺩﻱ ﻣﺰﻳﺎﻥ ﺣﺘﻲ ﻟﻮﺍﺣﺪ ﻧﻬﺎﺭ ﺳﻔﻴﺎﻥ ﻗﺎﻝ ﻟﻤﺮﻭﺓ ﺧﺎﺻﻨﻲ ﻧﻬﺪﺭ ﻣﻊ ﻭﻟﺪ ﻋﻤﻚ ﻭﻧﻘﻮﻟﻴﻪ ﺭﺍﻧﻲ ﻣﻌﺎﻙ ﻭﺑﻠﻲ ﻛﻨﺒﻐﻴﻚ ﻭﺣﺘﻲ ﻧﺘﻲ ﻛﺘﺒﻐﻴﻨﻲ ﻣﺠﺎﺗﺶ ﻧﺨﺒﻲ ﻋﻠﻴﻪ ﻭﻫﻮ ﺑﺤﺎﻝ ﺧﻮﻳﺎ ﻣﺮﻭﺓ : ﻭﺍﺧﺎ ﻫﻜﺎ ﺣﺴﻦ ﻣﻦ ﺍﻟﻤﺸﺎﻛﻴﻞ ﻭﺻﺪﺍﻉ . ﻭﻟﻜﻦ ﻣﺮﻭﺓ ﻛﺎﻧﺖ ﻏﻠﻄﺔ ﻭﻫﻨﺎ ﻏﺪﻱ ﻳﺒﺪﺍﻭ ﺍﻟﻤﺸﺎﻛﻞ ﺩﻳﺎﻝ ﺑﺼﺢ . ﺳﻔﻴﺎﻥ ﺗﻠﻘﻲ ﻣﻊ ﻭﻟﺪ ﻋﻢ ﻣﺮﻭﺓ ﻭﺻﺮﺣﻮ ﻭﻋﻮﺩ ﻟﻴﻪ ﺍﻟﻌﻼﻗﺔ ﺍﻟﺤﺐ ﻟﻲ ﻛﺘﺠﻤﻌﻮ ﻣﻌﺎ ﻣﺮﻭﺓ ﻭﻟﻜﻦ ﻭﻟﺪ ﻋﻢ ﻣﺮﻭﺓ ﻣﺘﻘﺒﻠﺶ ﺍﻟﻔﻜﺮﺓ ﻭﺗﺨﺎﺻﻢ ﻣﻌﻪ ﻭﻫﺪﺩﻭ ﺑﺎﻟﻘﺘﻞ ﺍﻻ ﻣﺒﻌﺪﺵ ﻋﻠﻰ ﺑﻨﺖ ﻋﻤﻮ ﻣﺮﻭﺓ ﺇﻻ ﺃﻥ ﺣﺐ ﺳﻔﻴﺎﻥ ﻛﺎﻥ ﻛﺒﻴﺮ ﻭﻗﻮﻱ ﺑﺰﺍﻑ ﻭﻗﺮﺍﺭ ﺃﻧﺔ ﻣﻴﺴﺘﺴﻠﻤﺶ ﺇﻣﺎ ﻳﻔﻮﺯ ﺑﺎﻟﺒﻨﺖ ﻟﻲ ﻛﻴﺒﻐﻲ ﻭﺇﻣﺎ ﻳﻤﻮﺕ ﻋﻠﻰ ﺟﺎﻟﻬﺎ . ﻭﻟﺪ ﻋﻢ ﻣﺮﻭﺓ ﻣﻘﺪﺭﺵ ﻳﻌﻮﺩ ﺍﻟﻌﻢ ﺩﻳﺎﻟﻮ ﻋﻠﻰ ﻋﻼﻗﺔ ﺑﻨﺘﻮ ﻣﻊ ﺳﻔﻴﺎﻥ ﻭﻛﺎﻥ ﺍﻟﺤﻞ ﺍﻟﻮﺍﺣﻴﺪ ﺩﻳﺎﻟﻮ ﻳﺼﻴﻔﺖ ﺷﻲ ﺑﻨﺖ ﻟﻌﻨﺪ ﺍﻟﻌﻢ ﺩﻳﺎﻟﻮ ﻭﺗﻌﻮﺩ ﻟﻴﻪ ﻛﻠﺶ ﻋﻠﻰ ﻣﺮﻭﺓ ﻭﺑﺎﻟﻔﻌﻞ ﻫﺪ ﺷﻲ ﻟﻜﺎﻥ ﺃﺏ ﺩﻳﺎﻟﻬﺎ ﻋﺮﻑ ﻛﻠﺶ ﻭﻛﺎﻥ ﺍﻟﻤﺼﻴﺮ ﺩﻳﺎﻟﻬﺎ ﺿﺮﺏ ﻭﺣﺒﺲ ﻟﻤﺪﺓ ﺃﺳﺒﻮﻉ ﻓﺎﻟﺒﻴﺖ ﺩﻳﺎﻟﻬﺎ ﻣﺘﺨﺮﺝ ﻣﺎﺩﺭﺝ ﻣﺎﺗﻤﺸﻲ ﺗﻘﺮﺍ ﺳﻔﻴﺎﻥ ﻣﻠﻲ ﻋﺮﻑ ﻭﺷﺘﺎ ﻭﻗﻊ ﻟﺤﺒﺒﺘﻮ ﻣﺸﺎ ﻋﻨﺪ ﺍﻟﻌﻢ ﺩﻳﺎﻝ ﻣﺮﻭﺓ ﻭﻋﻮﺩﻟﻴﻪ ﻛﻠﺶ ﻭﻗﺎﻟﻮ ﺃﻧﺎ ﺑﻐﻴﻬﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻴﻪ ﻭﺍﻟﻠﻪ ﻳﺠﺰﻳﻚ ﺑﺎﻟﺨﻴﺮ ﺩﺧﻞ ﺑﻴﻨﺘﻨﺎ ﺑﺎﻟﺨﻴﺮ . ﻓﻌﻼ ﻋﻢ ﺩﻳﺎﻝ ﻣﺮﻭﺓ ﻣﺸﺎ ﻋﻨﺪ ﺍﻷﺥ ﺩﻳﺎﻟﻮ ﻭﻓﻬﻤﻮ ﺑﻠﻲ ﺳﻔﻴﺎﻥ ﻧﻮﻱ ﺍﻟﺨﻴﺮ ﻭﺑﺎﻏﻲ ﺍﻟﺒﻨﺖ ﻟﺤﻼﻝ ﺃﺏ ﺩﻳﺎﻝ ﻣﺮﻭﺓ ﺑﻘﻲ ﻏﻴﺮ ﺳﺎﻛﺖ ﻭﻳﺸﻮﻑ ﺣﺘﻲ ﺩﺧﻠﺖ ﺃﺧﺖ ﺩﻳﺎﻝ ﻣﺮﻭﺓ ﻭﻗﻠﺖ : ﻻ ﻻ ﻣﻴﻤﻜﺎﻧﺶ ﺃﻧﺎ ﺧﺘﻲ ﺗﺪﻱ ﺳﻔﻴﺎﻥ ﻣﺴﺘﺤﻴﻞ ﻭﺃﻧﺎ ﻏﺎﺩﻱ ﻧﻘﻨﻌﻬﺎ ﻭﻧﻘﻮﻝ ﻟﻴﻬﺎ ﻣﻴﺼﻠﺤﻠﻜﺶ ..
ﺩﺧﻠﺖ ﻋﻨﺪﻫﺎ ﺍﻟﺒﻴﺘﻬﺎ ﺷﻮﻓﻲ ﻏﺎﺩﻱ ﺗﺨﺎﻭﻱ ﺭﺍﺳﻚ ﻣﻦ ﻫﺪ ﺳﻔﻴﺎﻥ ﻭﻧﺘﻲ ﺭﺍﻛﻲ ﻋﺪﺍ ﺻﻐﻴﺮﺍ ﻭﻣﺎﺯﺍﻝ ﺍﻟﻤﺴﺘﻘﺒﻞ ﻗﺪﻣﻚ ﻭﺯﻭﺍﺝ ﺧﻠﻴﻪ ﻫﻮ ﻻﺧﺮ ﻣﺮﻭﺓ : ﺃﺧﺘﻲ ﺣﺴﻲ ﺑﻴﺎ ﺭﺍﻩ ﺣﺘﻲ ﺃﻧﺎ ﻋﻨﺪﻱ ﻗﻠﺐ ﻭﻛﻨﺤﺲ ﺑﻴﻪ ﻭﺃﻧﺎ ﺳﻔﻴﺎﻥ ﻛﻨﺒﻐﻴﻪ ﻭﻏﻴﺮ ﻫﻮ ﻟﻲ ﻧﺪﻳﻪ ﻭﺇﻻ ﻣﺒﻐﻴﺘﻮﺵ ﻧﺪﻳﺮ ﺷﻲ ﻓﻀﻴﺤﺔ ﻓﺮﺍﺳﻲ ﺧﺮﺟﺎﺕ ﺃﺧﺖ ﻣﺮﻭﺓ ﻭﺑﻠﻌﺖ ﻋﻠﻴﻬﺎ ﺑﺎﻟﻤﻔﺘﺎﺡ ﻭﻣﺮﻭﺓ ﺑﻘﺎﺕ ﺗﻐﻮﺕ ﻭﺗﺒﻜﻲ ﻭﺗﺪﻋﻲ ﺍﻟﻠﻪ ﻳﻔﺮﺝ ﻋﻠﻴﻬﺎ ﻭﻳﺸﻮﻑ ﻣﻦ ﻣﺤﻴﻨﻬﺎ . ﺭﺑﻲ ﻛﺒﻴﺮ ﻭﻣﺨﻴﺒﺶ ﻣﺮﻭﺓ ﻭﺑﻌﺪ ﻣﺮﻭﺭ ﻳﻮﻣﻴﻦ ﺟﺎﻭ ﻋﺎﺋﻠﺔ ﺳﻔﻴﺎﻥ ﺑﺎﺵ ﻳﻄﻠﺒﻮ ﻳﺪ ﻣﺮﻭﺓ ﻣﻦ ﻋﻨﺪ ﺃﺏ ﺩﻳﺎﻟﻬﺎ ﻭﻓﻌﻼ ﻗﺒﻞ ﺣﻴﺖ ﻣﺒﻐﺎﺵ ﺑﻨﺘﻮ ﺗﺰﻳﺪ ﺗﻌﺪﺏ ﻭﻗﺮﺍﻭ ﺍﻟﻔﺎﺗﺤﺔ ﻭﺗﻔﻘﻮ ﺑﻌﺪ ﻋﻤﻴﻦ ﻳﺪﻳﺮﻭ ﺍﻟﻌﺮﺱ ﺣﺘﻲ ﺗﻘﻔﻞ ﻣﺮﻭﺓ 18 ﺳﻨﺔ ﺑﻌﺪ ﻋﻤﻴﻦ ﺗﺰﻭﺟﻮ ﻭﺩﺍﺭﻭ ﺍﻟﻌﺮﺱ ﻓﻤﺮﺍﻛﺶ ﻭﺩﺍﺑﺎ ﺭﺍﻫﺎ ﻓﺸﻬﺮﻫﺎ ﺍﻷﻭﻝ ﻛﺘﺴﺘﻨﻰ ﺷﻲ ﻓﻠﻮﺱ ﻭﻻ ﻓﻠﻮﺳﺔ .
قد يهمك :
- قصة خيانة الزوج مع الخادمة
- قصة شاب تقدم لخطبة ابنة عمه ولما علم بحبها لشخص آخر كانت المفاجئة
- قصص عن مدمني المواقع الإباحية
قصص مغربية بالدارجة كوميدية
الواليد : أري أبنتي نشوف داك تليفون أش عندك فيه نهار كاملو وانت مقابلاه كلشي بدا كيفيفري فدار بالضحك وكيتسناو لفراجة.. وأنا بحالا صرفقتيني و هزيتيني لسما وخبطتني .. من وقع الصدمة لي ماحسيتش بيها تا ملي قالو ليا سقطتي فالباك لعام التالت .. لواليد وتليفون كحالت عليا بالمزيان – إيوا أري نشوفو .. شنو كيلهي بنتنا علينا ؟ – حاشة ..تاحاجة ألوليد ماتقدر تلهيني عليك .. من غير دين الإسلام .. كنت كنقرا فالسيرة النبوية الشريفة .. يالاه لقيتيني وصلت لغزوة بدر بدا كلشي كايدور فراسو دليل إطلاق صاروخ جوي في الفضاء .. – تي طلقي لهنا .. قبل لا نضت ليك .. داك تنوعير ديال والو .. مايضيمش عليا – احم هي لولى (وهي لخرة ليا) نضت مديتو ليه باستسلام وبعدت باش تا إلى جات شي هجمة تلقاني بعيدة … ولكن لزهري المعوق جات القردة ديال اختي كاتوريه فين يدخل ويخرج بدا من لكونطاكط لقا أزيد من 200 اسم بقا فيهم شي نص ساعة وهو كايقرا بجهد وأنا كنعرف ونعلل – امت ربيعة .. خت ربيعة .. بنت خالت ربيعة .. ونمرة ربيعة مكايناش .. شكون هاد ربيعة؟؟ – كتقرا معايا ألوليد – آآو هادي فوق 60 بنت .. وكتقرا معاك .. على قسمكم فيه 60 وكلو بنات ؟؟ – ألا لحاج .. شي من الباك لول وشي من الباك التاني وشي من الباك التالت وشحال قدني مانعقل إينا قسم قرات معايا .. وانا بحالك ألوليد واخا مكاتبقى عندي تا علاقة مع الواحد نمرتو أأقصدت نمرتها كتبقى عندي واخا غير ندعي عليها أأ معاها ملي نشوف سميتو أأ سميتهاا.. أنا ماشي نكارت الخير – اه الكوميسير جعفر في خدمتكم … حيد عليا هاد سميات البايخين .. جبدي لي الميساجات جبداتهم ليه البعلوكة لي حداه وانا صافي الما كايطيحو لي فركابي .. ماكرهتش نسخف ولكن والله مايشوف جيهتي تايساليه .. وإلى لقا شي تهمة ولا جريمة يديني ديريكت للروضة .. الحمدلله مالقى غير ميساجات إنوي وتصالات وميديتيل .. أصلا الميساجات غاليين ومديموضين .. ياالله جا يمد ليا تليفون بعد ماسكاناه والفرحة تعتريني وهي تنقز المونيكة لي حدااه مع عندي معاها شي حسابات بدات ترد ليا صرفهم – بابا كاع ماشفتي أهم حاجة الواتساب والفايسبوك تما تعرف ربيعة من ربيــــــــــــــع ؟؟ – إيه جبديه لي هنا ماكرهتش نتلاح عليها بشي قجة ولكن دفاعها صحيح .. أنا بديت غير كنترعد وكنتسنى حكم الإعدام حيت هادي والله لا فلت منها – نبداو أبابي بكريمة لكوافورة – لا لا أش غانديرو بهضرة العيالات دوزي دوزي – ونشوفو غير تصويرتها بعدا .. لي ماشرا يتنزه – إيه نشوفو وركي عليها – أوووووه وينو على كريمة .. عندها لحية ولعضلاااااات – ويلي على بنت الحرام ناض عندي نوضة وحدة ضربها ليا بشنقة … أودي غير شنق ألوليد .. لمهم غير ماترجعش تكمل .. حيت غاترتكب أبشع جريمة فالتاريخ .. عطاني بواحد الصقلة أقسم أني رأيت النجوم فوق رأسي تدور – أنا : أي ألواليد أي .. راه كريم أأ كريمة لكوافورة كظل تلوح تصاور راجلها باش تفوح علينا – الواليد : بصاااح ؟؟ بركي عليها انتي (مع اختي) شوفي الهضرة لي بيناتهم – أنا : أ ؟؟؟ صافي ألوليد غير كمل ضرب .. هاد جهة باقا ماصرفقتيهاش – اختي : واخا أبابي هي لي ماتعاودش .. (بدات كتقرا) هو : دندونتي مانشوفوكش هاد العشية : 2 هي : والله أكرموشتي إيما نقدر الواليد مقرق لينا فدار هاد العشية :’(..هو : أوه دوماج حبي مانشوفش القمر ليوم محالش واش يجيني نعاس .. هي : تا أنا أعمري خسارة:/ كبيدة ؟؟..هو : نعام أشحيمتي ؟؟..هي : سالا ليا صولد ماتسيفط ليا روشارج راه مايجينيش نعاس إلى ماهضرتش معاك .. هو : من عيوناتي كن شفتي أنا .. كاين ألواليد واحد الأوديو نطلقو تسمع على وديناتك أوديو ؟؟ ماعقلتش واش طلقاتو ولا لا .. أصلا ماعقلتش على شنو طرا من بعد .. من غير أنني فقد الوعي .. ولكن واش من العصا ولا صدمة الله أعلى وأعلم ..
فاش فقت عاودو ليا على اش طرا حيت فقت فاقدة داكرة .. والخلاصة الواليد خرج من دار طاااااالعة ليه القردة وعواااال على خزيييت .. من بعد ماعاودو ليا كولشي.. دورو عليا وجوههم حيت بالنسبة ليهم جبت ليهم العار لدار .. أنا صافي مشيت فيها ولي زاد أكد ليا حدسي هو تليفوني لي قدامي مشخشخ وشقافو قد لكبير قد الصغير.. يا ويحتي ؟.. عاد كنت جالسة هانية وفرحانة وفدقيقة تقلبات حياتي رأسا على عقب .. عوينة وصابتني ولا دعوة وقرات فيا .. ولي زاد طين بلة وهو فاش دخل لواليد لدار فرحان وراشقة ليه وكايتمازح مع شي حد … كلشي دخلو لعجب .. وهما دخلو لصالة وكايضحكو ويهضرو .. ومع أنا كنت فبيتي ضرني راسي شكون هذا لي قلب مزاج با ونساه فضيحتي … تا جات عندي لواليدة وقالت ليا قادي حالتك ولبسي شي قفطان راه جاوك الخطاب … ويلي ؟؟ الخطاب ؟؟ شكون هاد متعوس ليام .. بعهدي هادوك لي كنظل مضيعة وقتي معاهم تاحد مناوي ولا واجد لزواج .. درتها فيد الله وقاديت حالتي .. واخا أنا ماااابغا زواج .. ولكن نشوف قبل ما يزرق ليا الواليد العينين .. لبست ومشيت عند الواليدة وعطاتني صينية وقلت بسم الله ودخلت وياريتني مادخلت كانت الصدمة من الخطيب والمخطوبة – حمزة النجااااار ؟؟؟ – دنيا ؟؟ – أنا با قتلني ومنتزوجش بهاد عديم الأخلاق – الحاج أنا جيت نخطب بشرى ماشي دنيا .. دنيا عندك فليفلة وكطير من المقلى عامين واحنا كنهضرو سوقها خاوي .. خسرت عليها شي 100 درهم غير روشارج – 100 بدوبل أبنادم وماتزيدش فيه بدينا كنتعايرو ونسينا راسنا والأهم نسينا الواليد لي واقف كيسمع.. هاد الأخير لي جرا على حمزة النجار من الدار .. وانا كان حسابو معايا عسير .. مشا نيشان جاب الحالة المدنية وبغا يقطع ورقتي منها ولكن تراجع فآخر لحظة ملي قالت ليه مي بلي بشرى ( هي سباب صداع) مقيدة مورايا .. كنت غانفرح ليها ولكن طلع عندها زهر أما أنا حياتي ضاعت وسخط با خديتو الله يخلف … من بعد مشا بيده وجمع حوايجي فواحد الميكا وقاليا تسافطي مع مك .. هنا صافي مصيري تحدد بين جوج ديال الاحتمالات لا تالت لهما يالقتل يا النفي .. عيينا أنا وميمتي نزاوكو فيه باش يتراجع ولكن لا حياة لمن تنادي .. استسلمت لقدري وسلمت أمري لله ومشيت معاه ..بقينا غادين فطنوبيلتو تا خرجنا علمدينة .. ووصلنا لدار عمي مصطفى مهنته إمام جامع – أنا ماقدرتش نربيك ولكن هو غايعاود ليك ترابي – هه أشنو ؟؟ لواليد واش كضحك معايا .. عمي لفقيه ؟؟ حرام عليك .. غير رجعني لدار أقسم لك يمينا تا ندير عقلي – وشوهة لي شوهتينا ؟ عمر دم مايحمر وجهنا – عمر دم ما يرجع ما ألحاج – مابغيتيش تقراي ماقلنا باس .. تسقطي وتعاودي ما طرا والو .. ولكن باش تهضري مع لي يسوا ولي مايسواش وتقبطي من عندهم لفلوس تالهنا مانسمحش ليك .. واش عمركي طلبتي ليا شي حاجة وماعطيتهاش ليك ؟ – باااا راه صغر وقلت العقل .. ماتعاقبنيش هكا – خيبتي ظني فيك طلق جملتو بحال رصاص وخرج من طنوبيل ..هنا حسيت بفضاعة الخطأ لي درت .. تبعتو وانا حادرة راسي .. وأي عقاب دارو ليا نستاهلو … دخلنا لدار ومن بعد مارحبو بينا عمي ومرتو وخواو لينا أتاي ..يالاه بغا لواليد يعاود لعمي عليا وهو يدخل عبد الصمد ولدو .. لابس واحد سروال مقطع وداير واحد الكاسكيطا .. وسلم علينا شي سلام ديال لهيبهوب – وافين أساطا أأ بنت عمي شفتك ليوما كاع ماحليتي الفايس .. تخلعت عليك .. وبلخصوص ملي ماحطيتي تا تصويرة ديالك من البارح الله يعطيك الحكة وقلت الضفار بحالا انت لي ناقصني .. لواليد دم مشا من وجهو … ماتصرطاتش ليه ..آآو فين ما كيمشي كايلقاني مخروضاها .. ماعرفني بنت ولا زوبية .. الحاصول داكشي لي علاش جا لواليد تراجع عليه .. حيت شاف بلي تربية عمي لولدو كفس من تربيتو ليا وإلى خلاني هنا غير غايزيد يخرج عليا .. ماكملناش ساعة تاقاليا نوضي .. ركبنا تاني لطنوبيل وأنا كلي أمل نرجعو لدار ولكن خاب أملي ملي شفتو غادي فجهة المعاكسة وخارج على المدينة … كان ساكت ولكن من وجهو باين ناوي على شي حاجة .. أما أنا مالقيت مانقول حيت إحساسي الذي لا يكذب حس بلي حياتي غاتقلب كتر من لي تقلبات .. والبلاصة لي غاديين ليها دابا هي المنفى الحقيقي بكل معنى للكلمة
قصص مغربية بالدارجة Facebook
دخلات كي العجااجة كيف عادتها لاحت الشكاارة فالبااب السبرديلة ماحيداتهاش دخلات بيها حتال الصالون شعرها واقف لسما وحوايجها معنكشين تقول كانت كتجاهد…داخلة وكتنكر..
**:تفووو قهرني الطوبيس يخ على نهار كيداير
الأم:أديك عوجة الفراقش ياك تنقول لمك حيدي السبرديلة فالباب..حسن عوان هادا لي غادي يديك
**:من نيتك الوليدة حسن عوانو ..هادا لي غادي يديني مزغرتة عليه مو وراضيا عليه
الأم:اه مزااااغرتة عليه..ياوأنا أش بغيت ليك ..بغيت ليك غير طيارة المغرب تهزك متحطك..
**:(هزات يديها لسما) أميين الوليدة من فمك لسما. شي طيارة لتركيا.الحياااة
الأم:يخليك بالخلا يا زريعت القنب
**:فين هو راجلك..
الأم:راجلي يانا بوحدي مالو مباااكش..
**:نفس الديسك الميمة..دوي دابة فين هو العربي..
الأم:قدك قدو النعجة..تي قولي باااا
**:وا صافي صافي فين هو باابي..
الأم:مشا لجاامع..هادي هي وقيتو يدخل..تكعدي غسلي يديك ورجليك الخانزو
**:يد الفلاح نقية..أجي حس البرهوش مقطوع فينو
الأم:نتي طفرتيها البرهوشة بيدهاا..معاد خارج كيلعب..
خلات مها كتنگر عليها كيف العاادة مولفة هي النگير لدرجة لامنکراتش عليها مها ميدوزش ليها النهار..دخلات لبيت لبسات بيجامة كل حاجة من جيه وكل لون فشكل..جمعات شعرها بقراص الفوق ولات بحال بلارج..وتلاحت فالصالون تتسنا باها يجي يتغداو..ومرة مرة تمشي عند مها تزاوگ فيها تحط ليها شوية المرقة حتى عصبتها وشيرت عليها بصندالة العربي نيميرو 40 جابتها ليها جيهت الصدر .رجعات لبلاصتها تتحك فيها..
عاد بردت وشدت الأرض..بانت ليها التلفزيون.شداتها كتقلب من قناة لقناة حتى دخل خوها معاذ… لي هي وياه مرة سمن على عسل ومرة كي المش والفار..ودابة هاهوما جالسين سمن على عسل تا قال ليها معاذ تقلب ليه Mbc3 مبغاتش وهو يجمع الدفلة تا جمعها وعطاها ليها الكمارة جابها ليها حدا عينيها..هاو هوما يقلبوها مش وفار وناضت الكومبا بيناتهم مستعملين جميع أنواع الأسلحة الملموسة:..المخاد الصنادل.التلكوموند.والأسلحة المعنوية:الدفال.والسبان هي تتقول ليه البوال البرهوش .وهو تيقول ليها الكسولة البايرة..حتى دخل الحكم فرقاتهم بالقريص والعضان..تاشد كل واحد فيهم قنت هو سروالو طاح ليه وهي شعرها واقف شاد الريزوات..
ها العربي دخل كيغوت على صداعهم لي سمعو من راس الدرب ..دغيا قادات شعرها..وهو دغيا هز سروالو تقادو فالجلسة مربعين يديهم دايرين نضرة البرائة..وقف فالباب كيشوف فيهم عايق بقوالبهم..ناضو كيتسابقو باسو ليه يديه..جات الأم وفيديها الماكلة حطتها فوق الطابلة ولتفو حولها كيهضرو فصمت..حتى فجر ليهم الأب الخبر القنبلة لي خلا البطلة توحل ليها وتخرج عينيها ..
الأب:إنشاء الله سيمانة الجاية نهزو رحيل
الأم:لاش تاني العربي.
خنزر فيها
الأب:سيري سوليهم لاش .شدي 45 وطلعي النيابة قولي ليهم لاش محولين ليا راجلي
الأم:وانا غيسولتك مالك
الأب ..كل مرة محوليني لقنت فينما نشد الوتاد فشي مدرسة يحولوني قهروني .
**:وفين حولوك هاد المرة تاني
الأب:الدارلبيضا..
الأم:الله الله وشحال بعيدة..
**:وأنا مابغيتش نتحول عييت أپا
الأب:(بالغوات)أيللللووول
أيلول:ناضت من الطبلة..بصحتكم
الأب:ضسرتي البرهوشة وعليا بيميني لا بقات فيك..يخ ندموني على النهار لي ختاريت فيه التعليم
الأم:صبر العربي صصبر دابة تشد التقاعد وترتاح
الأب:وتابقات سيمانة عاد عالميني.بحالا الدار غادي تنزل عليا من السما..
الأم:فيد الله ..راه ماشي أول مرة نتحولو ربي يسهل فحال كل مرة..
معاد:أححح أنا بعدا من شحال وأنا نحلم بكازا ياااس
الأب:أش هاد الألفاض السوقية..
الأم:(تتغمز فمعاد)هيهيهي غيتيضحك كول لاديشاي عليه العربي..
دخلات لبيتها تتفقص وتتغدد ..من طبعها ماشي إجتماعية وكتلقا صعوبة عاد كدير الصحاب والصحابات .أخر مرة تحولو من أکادير..باش يجيو يسكنو فتطوان ..تفارقات معاهم بالدموع والتحيار حتا شواتها مها بجوج دقات عاد ركبات معاهم فالطوموبيل..ودابة هزات الهم تاني لفراق
باقاا فبيتها مفقوصة ومغدة لاعنة الحض لي كل مرة دايرها ليها..جالسة فالأرض مسرحة رجليها ومتكية بضهرها على جنب الناموسية تتلوي فشعرها وتهبط القصة وطلق شعرها وهادشي كامل وهي تتفكر كيف غادي تكون كازا وكيف غادي تعيش فيهل وهيا سامعة عليها بلي مدينة كبيرة بزاف وكتفكر كيف غادي تولف مدراستها الجديدة ودارهم كيف غادي تكون..بقات هاكاك مرة تهرنن مرة تخبط رجليها مع الأرض..تا ضربت ليها طن فراسها تنوض تقيس شي لبسة.. قيسات السروال والحوايج ودارت المكياج وشدت لرض تاني تخمم وتفكر..هذا ديما حالها تكون مابيها ما عليهل تتنوض تقيس لبسة ولا جوج غا مع مخها..
وهاكا دازت سيمانة بطلتنا أيلول الهبيلة من التخمام لقراية لجميع الرحيل والحوايج ..وتوديع الصحاب والتهرنين على مها وطبعا الكومبات مع خوها معاد لي عكسها طاير بالفرحة حيت غادي يتحول من تطوان ويمشي لكازا وهاذا هو عقل الصغر 😉 العربي مسكين سيمانة محكش فيها راسو بزز باش لقا دار مناسبة فالتمن و قرييبة من المدرسة لي حولوه ليها.. ومهم (فتيحة) مجلساتش كاع الأرض من حيلتها لولادها ولل لرحيل وغسيل الماعن وتصبين الكواش حيت بغات كولشي يمشي نقي…وهاهو نهار لي غادي يتحولو فيه من مدينتهم لي منقدرش نقول عليها موطن لأن ماكاملاش 7 شهر باش جاو ليها…
واقفة كتشوف فدارهم خاوية كتصفر مافيهاش الأتات..الأتات لي تحمل فكاميو وشد الطريق لكازا وبحال والو يكون وصل..جات ماماها عنقتها وطبطبت عليها مصبراها
فتيحة:كيف ولفتي تطوان أبنيتي إنشاء الله تولفي كازا
أيلول:يعلم الله ناسها كيف دايرين أ مي
فتيحة:كيعاودو على ناسها ناس طيبن تاع الجود والكرم..وراها مدينة ولافة دغيا تولفي ..وكبيرة وزينة وفيها موروكو مول نقادو أمورنا فيها ونديك ليه شري لي عحبك..
أيلول:بصح حلفي ولامبغاش العربي
فتيحة:تي راه باك هداك الحمارة. والعريبي خليه عليا يالاه مسحي خناينك وزيدي باك كيتسنا
.. ..هزات باليزتها حطتها فكوفر الطوموبيل ركبات لور حدا خوها معاد كتشوف فمدينتها وكتودعها بعينيها..جاها القنط فالطريق حتى التلفون لي تلاها بيه محيدو ليها باها تتشد الباك عاد يعطيه ليها..تكمشات فبلاصتها موسدة رجل معاد حتى داها النعاس..خليوها ناعسة ونوصفها ليكم أش نقوليكم أسيادي من ناحية الزين زينة واخدة حقها وكفاية عينين كباار كحلين ومشفرين وفم صغيور و نيف منقاد صغيور وشعر فوق الطرمة بشوي..بيني وبينكم رطب غير بالشيشوار. بشرتها حنطية.. فورمتها مقبولة طرمة على قد الحال ماصغيرة ما كبيرة.وصدر ومتوسط وماكاينش حس الكرش .فيها فالطول 1:66 وها الزين كاين والعقل الله يجيب..😔